هل يوجد نمو أقتصادي بدون ديمقراطية ٢-٢ | الحلقة 18

نستكمل في تلك الحلقة الخمس عناصر الاساسية في الخلطة التي تصنع نمو اقتصادي محترم
ونركز هنا علي استقلال وكفاءة النظام القضائي ثم ننتقل لنشرح مفهوم مؤسسات الدولة القوية ونشرح الخلط الحادث بين الكفاءة والقوة وكذلك كيف ان هذا العنصر لا علاقة لة مباشرة بالديمقراطية
واخيرا اخر عنصر في تلك الخلطة امتلاك الرؤية
وفي النهاية نسأل هل تفضل ان تعيش في الصين ام تعيش في السويد او النرويج ولماذا ؟

قائمة الكتب و المراجع المستخدمة لإعداد هذه الحلقة

لماذا تفشل الأمم ؟ – دارون أسيموغلو ، جيمس روبنسون
اصول النظام السياسي – فرانسيس فوكوياما النظام
النظام السياسي والانحطاط السياسي – فرانسيس فوكوياما
بناء الدولة – فرانسيس فوكوياما
مقدمة في الفلسفة السياسية – جوناثن وولف
الفلسفة السياسية – أدم سويفت
المشكاة -أيمن ابورابح
الدولة الغنائمية والربيع العربي – أديب نعمة
نقمة النفط – مايكل روس
روح الديمقراطية – لاري دايموند
في المسألة العربية – عزمي بشاره
سيادة القانون – توم بينغهام
ماكينة النهب – توم بورجيس
خيبات العولمة – جوزيف ستيغليتز
نهاية الفقر – جيفري ساكس
البنادق ,الجراثيم والصلب – جاريد دايموند
معضلة العولمة – داني رودريك
افقر مليار شخص – بول كولير
لمحة عن النيوليبرالية – ديفيد هارفي
طغيان الخبراء- ويليام إيسترلي
القارة الصينية الثانية – هوارد فرنش

اجزاء من سكريبت الفيديو هل يوجد نمو أقتصادي بدون ديمقراطية ٢-٢ | الحلقة ١٨ كاملة

لو الديمقراطية والاستقرار هي كل الحكاية لية في دول كتير في افريقيا وامريكا الجنوبية عندهم انتخابات كويسة وبرضة ما فيش نمو اقتصادي و الصين عندها نمو اقتصادي من غير كل الكلام دة
قولنا في الحلقة اللي فاتت ان عشان يحصل نمو اقتصادي محترم في خلطة من خمس عناصر
١- استقرار الشرعية ومفاتيح السلطة ٢- وجود أمة متماسك
الحلقة دية حنكمل معتمدين علي أفكار فوكايما و روبنسون و اسيمجلوا
لو حصل خلاف و بالاخص اقتصادي نعمل ايه؟
كلمني عن المناخ القضائي والعدالة وهوه دة المكون التالت ف الخلطة هوه النظام بتاع المحاكم وحرفيته وأداءه لو انتا في دولة ديمقراطية انتا اكيد عندك استقلال فيه وأحكامه بتطبق والحكاية اسهل بس مش مستحيلة في الدول الذي حالتنا مع انها صعبه لان القضاء والدرك بيكونوا من المفاتيح

العنصر الرابع في الخلطة اللي بتعمل نمو اقتصادي محترم هو مركزية قوية ذي عجل العربية من غيره العربية ماتتحركش
المقصود هنا هو الجهاز الإداري .. الجهاز البيراقراطي .. دولاب العمل الرسمي . ووجود مؤسسات دولة كفء قوية في أغلب الأحيان ملوش علاقه مباشرة بالديمقراطية أو لا وقوة الدولة هنا مش معناها استخدام القوة وخلاص
بنقصد هنا انها بتقدر تعد وتحسب وتخطط وتنفذ بحزم
ولازم نفرق بين وظائف الدولة وكفائتها في أداء وظيفتها بتعبير فوكايما
فحتي لو الراجل وصل في انتخابات كويسه مش بيعرف يعمل تنمية في أوقات كتير لانه راكب عربية من غير عجل لان الجهاز الإداري متهالك
فرق ما بين بناء الدولة بتاع الحلقة دية وبناء الامة بتاع الحلقة التاسعة

العنصر الخامسة الرؤية ودة عنصر مهم بس ما بيحصلش الا بعد ما يكون تحتيه الأربع عناصر كأساس موضوع الرؤية دة برضة مش موضوع اقتصادي بحت في الدول الذي حالتنا لو الاربع عناصر اللي في الخلطة كانوا متوفرين ودة شيء صعب جدا انت كمان عايز يكون عندك حد عنده رؤية ودة اقرب للمستحيل ذي ما شرحنا في الحلقة السابعة

خلاصة الحلقتين دول ان النمو الاقتصادي المحترم اللي بيأثر في عموم الناس دة عبارة عن خلطة
١- استقرار الشرعية ومفاتيح السلطة
٢- أمة متماسك
٣- مناخ عداله
٤- جهاز اداري كفئ
٥- الرؤية
ومش شرط انك تحتاج ديمقراطية عشان يكون عندك الخمس حاجات دول مع انها المناخ الاسهل اللي فيه تعرف تزرع وتحصد الخمس حاجات دول ولو معندكش انت محتاج صوبة زراعية عشان تعمل فيها طفره جينية

هل ياتري المناخ في بلدك يقدر يطلع الخمس الحاجات دول ويعرف يعمل ذي الصين حتي لو غيرت الحاكم الحالي ؟
ولو الحكاية بالاقتصاد وبس هل تحب تعيش في الصين ولا تحب تعيش في السويد والنرويج ولية ؟