حظنا الهباب: سر ثورات الربيع العربي | الحلقة 5
ليه ثورات الربيع العربي حصلت في مصر ثورة 25 يناير ، و تونس و ليبيا و اليمن و سوريا، علما أن شعوب في آسيا و إفريقيا ظروفها أسوأ؟ السر هو: خلطة العقد الاجتماعي
In this video we discuss the componants of the current social contract then we give two examples of the social contract in the rich Arabian countries and in the Arab spring countries
OmElseiasa is an Arabic program with english subtitle that explains political philosophy in a very simple words
قائمة الكتب و المراجع المستخدمة لإعداد هذه الحلقة
الخليج الطائفي – توبي ماثيسن
الهجرة الي النفط – نادر فرجاني
المشكاة -أيمن ابورابح
الدولة الغنائمية والربيع العربي – أديب نعمة
نقمة النفط – مايكل روس
دليل الديكتاتور- بروس ميسكيتا، ألاستير سميث
الفرصة الأخيرة – ديفيد جاردنر
الحلقة الخامسة من برنامج أم السياسة بتشرح ليه دول في آسيا و أفريقيا ظروفهم أسوأ من دول الربيع العربي بكتير ورغم كده الشعوب فيها معملتش ثورات، وده تفسيره هو فهم بنود العقد الاجتماعي في العصر الحديث - اللي الثورات تعبير عن رغبة الشعب في فسخ العقد ده.
الفيديو بعد عرض البنود دي بيشرح العقد الاجتماعي في الدول العربية المتريشة أو الغنية زي دول الخليج العربي السعودية و الكويت و قطر وغيرها، والفرق بينه وبين العقد الاجتماعي في الدول اللي مش متريشة زي جمهورية مصر العربية و سوريا و العراق و تونس و المغرب
البنود الخمسة للعقد الاجتماعي في العصر الحديث هي:
أولا الخدمات (تعليم و صحة و كهرباء و طرق وتطبيق للقانون وغيره)
ثانيا المطلوب أو المعاناة (ايه المطلوب منّي زي الضرائب و التجنيد الإجباري و التنازل عن بعض الحريات، وايه حجم معاناتي كمواطن هل أقلية دينية مثلا؟)
ثالثا الأيديولوجية (مثلا عدو بنحاربه أو نصرة الإسلام أو نبقى قد الدنيا أو القومية العربية)
رابعا قبول المواطن بالوضع الحالي
خامسا القوة بكل أشكالها عسكرية إعلام تحالف قبائل رجال أعمال (سواء قوة الدولة نفسها أو قوة المستفيدين من العقد الاجتماعي سواء مواطنين أو غيرهم ومدى قدرتهم على قلب الموازين)
تطبيق بنود العقد الاجتماعي على دول الخليج المملكة العربية السعودية و غيرها ( الدول المتريشة):
======
وفرة عائدات النفط و إيرادات البترول تغني الدولة عن الاعتماد على المواطن وبالتالي مش محتاجة موافقته على سياساتها
وبالتالي فكرة لا ضرائب بدون مسائلة و محاسبة و تمثيل سياسي اللي موجودة في الغرب مش متحققة في دول الخليج
ببساطة عشان مفيش عندهم ضرائب وكمان مفيش محاسبة أو مسائلة أو تمثيل سياسي
كمان الإيرادات المالية بتساعد على توفير خدمات (البند الأول من العقد الاجتماعي)
وبالتالي في البند الثاني:
المطلوب من المواطن بسيط جدا (مفيش ضرائب بالمعنى المفهوم، إلى آخره) و معاناته تقريبا محدودة جدا و أكثر الذين يعانون هم العمالة الأجنبية أكثر منها المواطنين أهل البلد (ده مينفيش وجود معاناة لدى الأقليات زي الشيعة و البدون و لكن حجمها مش كبير ولا يسمح بقلب الموازين).
وطبعا ده نتيجته قبول كبير من المواطن بالوضع الحالي (البند الرابع)، يعني جرب تكلم مواطن خليجي عن الثورة و توثيق العقد الاجتماعي حتى لو كان المواطن ده معارض ح تلاقي الفكرة برة دماغه شوية
وأما البند الثالث الأيديولوجية فهو في الخليج زي رشة الملح كده حاجة خفيفة جدا زي الدين في السعودية مع أفكار هوبز و بروك بخصوص الخروج على الحاكم و التغيير بشويش و بالتدريج.
تطبيق بنود العقد الاجتماعي على دول الربيع العربي اللي مش متريشة:
======
بند الخدمات بلح و لازم تدفع أو شخلل عشان تعدي
ووصلنا لفكرة أنا أو الفوضى اللي اتكلم عنها الفيلسوف توماس هوبز اللي اتكلمنا عنها في الحلقة التانية وهي إنك تتخيل حياتك كده من غير الدولة عشان تعرف تعيش و تقبل الواقع
أما بند المطلوب من ضرائب و تجنيد و فقر و ظلم و حاجة نيلة خالص
أما بند الأيديولوجية و الأردن أولا أو مصر أم الدنيا و ح تبقى قد الدنيا أو تحرير الجولان و القومية العربية فالكلام ده خلاص مش بياكل عيش - حاجة كده زي مدرستي جميلة نظيفة متطورة اللي مكتوبة على كل أسوار المدارس في مصر.
فالشعارات دي لا بتخلي الناس تستحمل و لا بتصبرهم و لا بتحمسهم
البند الرابع القبول مش موجود وحتى اللي قابل لو ناقشته و ضغطت عليه ح يقول لك عندك بديل؟ عشان عارف اللي فيها
البند الخامس هو الأهم عشان مفيش فلوس فالدولة محتاجة القوة و البطش فتشتري سلاح و إعلام و أجهزة الدولة تتحالف مع فسدة عشان تفرض العقد الاجتماعي ده
الفيديو بيختم بإن فرق كبير بين الرغبة في تغيير بنود العقد الاجتماعي (عبر الثورات) وما بين القدرة الفعلية على تغييرها
والحلقة هدفها شرح نظرية العقد الاجتماعي حاليا على أرض الواقع كفكرة تجاوب على سؤال: احنا ليه بنسمع كلام الدولة؟
-
16:01
برنامج أم السياسة
3 years agoالمواطن العربي بين حكم القبيلة والعسكر | الحلقة 8
57 -
10:28
برنامج أم السياسة
3 years agoميكافيلي: يحيا الرئيس و عاش الملك | الحلقة 6
711 -
18:53
برنامج أم السياسة
3 years agoالعرب بين حكم الطوائف وديمقراطية الغرب | الحلقة 9
60 -
13:23
برنامج أم السياسة
3 years agoمستبد عادل مستنير من غير ديمقراطية ؟ | الحلقة 7
72 -
0:46
Djamil
4 years agoمسلسل لا احد يعلم .... اعلان الثاني الحلقة 19 .
5503 -
6:52
ShaimaaSaberTV
4 years agoدنيا فانيه مديماااااشي ... المؤسسات والأحزاب والجمعيات تابع سلسلة ما تزعلش الحلقة رقم (9)
86 -
9:12
ShaimaaSaberTV
4 years agoكلمتك في ميزانك خود بالك اللهم بلغت اللهم ف أشهد سلسلة ما تزعلش الحلقة رقم (1)
34 -
11:01
ShaimaaSaberTV
4 years agoلوابنك ياقمر مش عنده ثقة في نفسه يبقا ركزي معايا بسرعة والحل اهو في الحلقة ديا يلا بسرعة يافندم
22 -
11:50
ShaimaaSaberTV
4 years agoليه دايما عيننا في رزق غيرنا ليه دايما خايفين من بكرة وشايفين ان حظنا وحش تابع الحلقه رقم (8
36 -
4:31
ShaimaaSaberTV
4 years agoالعيال ما حلوش في الامتحان اعمل ايه ازعق ولا اضرب ولا اولع فيهم ولا ايه ياجدعان
321