هل يوجد نمو أقتصادي بدون ديمقراطية ١-٢ | الحلقة 17

كيف يحدث النمو الاقتصادي وماعلاقته بالديمقراطية ؟ نشرح في تلك الحلقة ان النمو الاقتصادي هو ابعد من فكرة ارتفاع الناتج المحلي ونلخص اسباب النمو الاقتصادي في خمس عناصر في تلك الحلقة نستعرض اثنين منهم في تلك الحلقة( تماسك الشرعية ومفاتيح السلطة وكذلك تجانس الشعب ومفهوم بناء الامة) والثلاثة الاخرين في الحلقة ١٨
لماذا تفشل الأمم ؟ – دارون أسيموغلو ، جيمس روبنسون
اصول النظام السياسي – فرانسيس فوكوياما النظام
النظام السياسي والانحطاط السياسي – فرانسيس فوكوياما
بناء الدولة – فرانسيس فوكوياما
مقدمة في الفلسفة السياسية – جوناثن وولف
الفلسفة السياسية – أدم سويفت
المشكاة -أيمن ابورابح
الدولة الغنائمية والربيع العربي – أديب نعمة
نقمة النفط – مايكل روس
روح الديمقراطية – لاري دايموند
في المسألة العربية – عزمي بشاره
سيادة القانون – توم بينغهام
ماكينة النهب – توم بورجيس
خيبات العولمة – جوزيف ستيغليتز
نهاية الفقر – جيفري ساكس
البنادق ,الجراثيم والصلب – جاريد دايموند
معضلة العولمة – داني رودريك
افقر مليار شخص – بول كولير
لمحة عن النيوليبرالية – ديفيد هارفي
طغيان الخبراء- ويليام إيسترلي
القارة الصينية الثانية – هوارد فرنش

أجزاء من سكريبت الحلقة

يا عم انتا عمال تقلي انتخابات وديمقراطية ماهي الصين وغيرها مفيش حاجه من ديه والاقتصاد اخر حلاوة وشكل كلام الحريات ده وجع دماغ ايه علاقة الديمقراطية بالنمو الاقتصادي احنا ف الحلقة دي هنركز على الشغل بتاع فرانسيس فوكايما و جميس روبنسون و دارون اسيمجلوا

بس قبل ما نتكلم خلينا نتفق ان قصدنا هنا من النمو الاقتصادي الحاجات الملموسه لعموم الشعب ومش ارتفاع اجمالي الناتج المحلي وال جي دي بي وفي مؤشرات تاني اتعملت عشان تركز علي تأثير الاقتصاد علي الناس اللي بجد زي بتاع ميشيل جرين ودوجلاس بيل

النمو الاقتصادي المحترم دة حاجه معقدة دة خلطة من خمس عناصر في الحلقة دية حناخد اول عنصرين من الخلطة ونركز عليهم والتلاته الباقين الحلقة الجاية
عشان نعمل نمو اقتصادي محترم في بلادنا مش مهم حاليا نتكلم في أي حاجة ليها علاقة بالاقتصاد في منطقتنا والحكاية كلها سياسة
العنصر الاول في خلطة الخمس حاجات اللي بيعملوا نمو اقتصادي محترم :استقرار التركيبة بتاعت الشرعية ومفاتيح السلطة
والمشكلة مش قدره الانظمة علي عمل نمو اقتصادي لا المشكلة بعد النمو الاقتصادي دة مايحصل تأثيره ايه علي مفاتيح القوة لو الحاكم اجابة سؤاله مهزوزة ومفاتيح السلطة اللي معاه مش مستقرة وخايف لدرجة انه عايز الكل يفضل مربوط بيه عمره ما حيكون اقتصاد تنافسي حر وعمره ما حيكون في نمو اقتصادي محترم لعموم الناس مش عشان هو مش عارف لا عشان مش عايز

ومش عشان في الديمقراطيات ولاد حلال واذكياء وعندهم خبراء احسن من الدول بتاعتنا فهنا حتلاقي البرازيل وتركيا في ال ٢٠ سنه اللي فاتت كمثال علي دخول الانتخابات كعنصر غير بشكل كبير التركيبه السياسية
ففي العنصر الاول من الخلطة مش مهم الحكام بتوعها المشهورين مين هما مجرد تفصيله ملهاش معني اوي
طيب الصين
هو انا قولتك العنصر الاول في الخلطة هي الديمقراطية لا انا قولت ان القضية هي استقرار مفاتيح السلطة بغض النظر عن مصادرها في الديمقراطيات اسهل بس لو عرفت تحقق الكلام في عصرنا ده من غيرها ماشي مع انه نادر جدا
طيب ومصر والمغرب والأردن والجزائر و السودان و ... وهكذا ...ينفع يعملوا ذي الصين هنا انا حسيبك انت تحكم بنفسك ؟ بس قبل ما اسيبك تعمل كدة حفكرك بايام مبارك وبن علي اللي كان مفاتيح سلطتهم مستقرةوفي تونس لازم ننتظر المناخ بتاع استقلال القضاء والاعلام والاقتراع الحر اللي بيغير المعادلة

العنصر التاني
مش شرط أساسي له الديمقراطية لكن الديمقراطية احد اهم الوسائل للوصول اليه
العامل التاني ف الخلطة هوه مجتمع متجانس موضوع بناء الامة ببساطة مامفيش نمو هيحصل واحنا ف حالة محاصصه سياسية
لازم الاختلافات بين طوائف الشعب متكنش معوقة للتنمية بابلدي كدة الاختلافات اللي بين الناس بتستخدم كنعصر يغنينا كبلد يعني فكر في سنغافورة في ناحية ونيجيريا علي ناحية تانية
انت ممكن تكون مجتمع متجانس زي كوريا الجنوبية واليابان لاسباب جغرافيه وتاريخية كتير او اغلبيته متجانسه والباقي المختلف مفروض عليه ذي الصين
او ودة الأصعب وغالبيته دول العالم كدة هو بناء الدولة الحديثه

احنا عرفنا اول عنصرين في الخلطة لاي بلد عايز نمو اقتصادي محترم انه مش خايف علي مفاتيح السلطة والناس مش مشغولة تتعارك مع بعضها والمناصب والنجاح مش بناءا على الاختلافات
كده نبدأ نشتغل والنظام كدة انكلوسف وعايز ياكل وياكل الناس معاه
فكر معانا كدة أيه هما العناصر الناقصة اللي بتعمل نمو اقتصادي محترم