مرشحك في الانتخابات - مصلحة الوطن أم مصلحتك الشخصية؟ | الحلقة 16

هل يجب ان يكون دافعنا في الانتخابات والفعل السياسي عموما مصلحة الوطن او المصلحة الشخصية ؟ وما علاقة ذلك بالفردية ( الفردانية) والجماعية ؟ او بصورة اكثر سهولة انا وانت وليسقط الوطن ؟
قائمة الكتب و المراجع المستخدمة لإعداد هذه الحلقة

الفلسفة السياسية – أدم سويفت
مقدمة في الفلسفة السياسية – جوناثن وولف
المشكاة -أيمن ابورابح
العقل الفاضل – جوناثان هايت
ما لا يستطيع المال شراءه – مايكل ساندل
القبائل الأخلاقية – جوشوا غرين
صراع الحضارات - صامويل هنتنجتون

اجزاء من سكريبت الفيديو
مرشحك في الانتخابات - مصلحة الوطن أم مصلحتك الشخصية؟ | الحلقة ١٦ كاملة

الطابور الطويل ده طابور انتخابي بعد الثورة السؤال هنا ايه اللي يخلي المواطن ينزل من بيته عشان ينتخب لازم يكون في دافع يمكن عشان المشروعات القومية اللي الحاكم واعدهم بيها ولا عشان بيوزعوا لحمة
ايه الدافع اللي بيخلي الشخص اللي واقف دة يصوت في اتجاة معين؟

في اكثر الدول ديمقراطية مستحيل انك تعرف الدوافع الحقيقيه طبعا لانهم معندهمش خبراء استراتيجين زي ماعندنا

نتيجة الانتخابات يتعرفك ماهيه رغبات المواطنين لكن اختاروه ليه بقا ؟
احنا مش بنقلل هنا من قيمة التحليل السياسي كعلم ولكننا بنقلل من قيمة اللي يطلعوا في التلفزيون وقلبوا التحليل السياسي لحاجة ذي قراءة الفنجان

هل اللي بيطلعوا في التلفزيون يقولك جوعوا عشان الوطن وعشان المشروعات القومية واستحملوا وبلاش انانية دول عندهم حق
ولا اسمع كلام الناس اللي بيقول ان الوطن هو انا وانت
الحقيقة
ان دول جزء من مدرستين مهمين
كولكتفيزم و الانديفيدوليزم الجماعيه والفردية والمدرستين دول ليهم نتائج وانعكاسات سياسية وثقافيه واجتماعيه
هنا احنا حنركز عليهم سياسيا وحنتكلم عن الفكرة نفسها وبعدين الكلام الرخيص اللي بيحصل عندنا حنجيلة اخر الحلقة

الفردية بتعلي من قيمة الفرد وافكارة وطموحاته وحقوقه
والجماعية تعلي قيمة الجماعة وافكارها وحقوقها كوحدة واحدة

ودة مثلا الخريطة بتاعت خيرت هوفستيده هتلاقي في دول في العالم كده فيهم المتقدم وفيهم المتخلف وفيهم من المدرسه الجماعيه ومن المدرسة الفردية

مشكلتنا حاليا مع الكولكتفزيم و الجماعيه ان بقا مدخل للاستبداد لان قيم وافكار المجتمع بقت قيم وافكار الحاكم والقياس بتاع نجاح وفشل المجتمع مش واضح طول ما احنا معندناش اعلام لا يعبر عن المجتمع بحلوه ومرة

الرئيس الامريكي ريجين لما كان نازل الانتخابات اول مرة سأل الناس انت شايف اية
سؤال شخصي جدا

ايه ده معنى كده انني بقول تحيا الفردية وتسقط الجماعيه

لالا انا بقلك حاليا ان الانظمة بتاعتنا حطنا في ركن
فلو انت مش عارف هل العاصمة الجديدة والمشاريعة العملاقة مفيدة ولا لا ببساطة
نقولهم نركز ان الوطن عباره عن المواطنين مش الرعية وحناخد الفردية شوية لأننا مش متاكدين من ارقامك ومن توجهات وافكار الحكام اللي مخترنهمش وبقينا بنضحي عشانهم من عشان الوطن

بس اول ما يبقى عندنا اعلام حرنعرف بيه المؤشرات الصحيحه وانتخابات بجد مدتين علي الأقل
او ما نعمل كدة
ساعتها بقا نفتح النقاش من الاول ونشوف هل ياترى نمشي فردية ولا جماعيه ولا خلطة بين الاتنين ولا اي حاجه تانيه

ف اللحظة الراهنة سياسيا على الاقل يبدوا لنا ان الفردية احسن ومن الأفضل نعتبرر الانتخابات سؤال شخصي خاص انت شايف ايه ؟
ومحدش حيعرف يجاوب السؤال دة احسن منك انت
انت شايف شارع بيتك كويس والمدرس والمستشفي كويسين ؟
ما تصدقش أي خبير استراتجي او أي محلل يطلع في اعلامنا الجميل ويكلمك عنك انت
لانه مهما عرف مش حيعرف احسن منك يجاوب علي السؤال دة حتي لو كنت انت أمي ما بتعرفش تقرا وتكتب
مصلحتك فين ؟ انت حالك اتحسن ولا لا ؟ سؤال سهل مش محتاج شهادة جامعية عشان تجاوبة
ما تكلمنيش عن الوطن .. انا اللي حقرر اية صح ليا وللوطن والميه تكتب الغطاس