TotoongBosesTBNB

Muling tiniyak ng Department of Tourism na ligtas ang mga lugar na pasyalan sa Mindanao. Kasabay nito, binisita ng DOT chief ang SOCCSKSARGEN para sa Philippine Experience Program ng ahensiya.

Hindi sapat ang produksyon ng bansa kaya naman patuloy ang pagtaas ng inflation o yung bilis ng pagsirit ng presyo ng mga pangunahing bilihin at serbisyo ayon sa isang ekonomista. Kasabay niyan ay pinatutsadahan rin niya ang hakbang ng pamahalaan na ibaba ang taripang ipinapataw sa imported na bigas.

Isa na namang batch ng mga empleyado ng senado ang ganap na ngayong AFP reservist. ito ay matapos ang matagumpay nilang pagpasa sa basic citizen military course na isinusulong ni Senador Robin Padilla.

Matapos ang pahayag ng Department of Justice na pumasa na sa unang screening ng Ministry of Justice sa Timor Leste ang extradition case ni dating Congressman Arnie Teves ay nilinaw ng kanyang legal counsel na ito raw ay fake news.

Pinuna ng isang foreign relations scholar ang pagbisita sa bansa ni Ukrainian President Volodymyr Zelenskyy.

Inihahanda na ng Presidential Anti- Organized Crime Commission o PAOCC ang mga reklamong isasampa laban kay Bamban, Tarlac, Mayor Alice Guo kung saan ang isa dito ay tax evasion. Balak din nilang sampahan ng reklamo ang iba pang opisyales sa munisipyo ng Tarlac at ng Yuan, Hong Sheng Gaming Technology at Baufo Land Development.

Para sa mga guro sa Manila High School, malaking bagay ang 10,000 na bagong teaching allowance ng mga guro. maari raw kasing hindi magaabono ang mga guro para sa pagbili at paggamit ng iba't ibang teaching materials. Pero ang pinangangambahan nila ay ang inflation na baka ang 10K hindi rin pala ganun kalaki para sa mga kakailanganin nilang materyales sa classroom.

Inagaw ng mga Chinese Coast Guard ang suplay na pagkain na para sana sa mga Pilipinong sundalo na nadestino sa BRP Sierra Madre habang pinabulaanan naman ng AFP ang kumakalat na video na panunutok ng baril ng mga sundalong Pilipino sa mga Chinese.

Mas mahal pa sa presyo ng karneng baboy at baka ang presyuhan ng ilang sangkap ngayon sa palengke sa Metro Manila. ang presyuhan ng luya at bawang, umaabot na sa P400/kg.

Nasa mahigit pitongdaang indibidwal mula sa lalawigan ng Negros Oriental at Negros Occidental ang apektado ng pag-aalburoto ng bulkang Kanlaon. Ang nasabing bilang ay pansamantala nang inilikas sa kani-kanilang mga tahanan.

Nakapagtala ang PHIVOLCS ng 43 volcanic earthquakes sa bulkang Kanlaon. Samantala, nagbabala naman ang DOH hinggil sa masamang epekto sa kalusugan kapag nakalanghap ng asupre. Ang Kanlaon City, ayon sa NDRRMC, ay inilagay na sa state of calamity kasunod ng pagsabog ng Kanlaon volcano.

Itinalaga bilang pinakabagong opisyal ng PCSO ang isa sa kinikilalang jukebox queens na si Imelda Papin. at isa aniya sa kaniyang isusulong na programa ay ang "isang linggong serbisyo."

Marami sa mga pasahero sa Ninoy Aquino International Airport ang apektado matapos makansela ang kanilang flights dahil sa pagputok ng bulkang Kanlaon. Sa kabila naman ng pagka-stranded, mas pinili ng mga pasahero ang manatili sa paliparan at umaasa na makakasakay pa rin pabalik sa kani-kanilang mga probinsya.

Nanawagan ang sektor ng mangingisda sa pamahalaan na magkaroon ng sariling departamento. Sa ngayon kasi, ang suporta at mga polisiya ng pamahalaan sa kanilang sektor ay hindi umano sapat.

Dating National Security Adviser ni Bongbong Marcos, nagbigay ng pahayag sa giriian ng China at Pilipinas.

Hindi nalalayong sapitin din ng Pilipinas ang masaklap na dinaranas ngayon ng Ukraine dahil sa nagpapatuloy na giyera sa pagitan nito at ng Russia. at ilang buhay na nga ba ang naibuwis at ibubuwis pa sa dalawang taong digmaan na labis nang nagpapahirap sa mga mamamayan nito?! Sabi ng isang dating opisyal ng Malakanyang, posibleng maganap ang parehong senario sa Pilipinas kung patuloy tayong magiging sunud-sunuran sa Amerika.

Gutom, kawalan ng trabaho at walang humpay na pagtaas ng presyo ng bilihin ang dapat daw na unahin ng pangulo ng bansa at hindi ang pagpapalakas ng kagamitang pandigma ayon sa isang international lawyer. Kasunod ito ng tensyon sa pinag-aagawang teritoryo sa West Philippine Sea.

Naghain ng petisyon ang kampo ng Duterte Youth Partylist sa Commission on Elections para kontrahin ang "Manifestation of Intent to Participate" o MIP ng P3PWD para sa 2025 elections. Ayon sa kampo, hindi dapat ito payagan ng ComElec dahil sa malinaw na paglabag ng grupo sa alintuntunin ng komisyon para sa pagpapasa at publication ng MIP.

Hindi na natiis ng dating presidential spokesperson na si Atty. Harry Roque na ilabas ang kanyang saloobin dahil sa kwestyunableng memorandum ng Philippine Health Insurance Corporation o PhilHealth na ibalik ang hindi nagamit na pondo na aabot ng halos siyam na pung bilyong piso kahit pa ngayong taon lang ay nagkaroon ng increase sa kontribusyon sa mga miyembro nito.

Nagbigay ng update ang BFAR tungkol sa sitwasyon ng mga mangingisdang Pilipino sa West Philippine Sea sa kabila ng unilateral fishing ban na inilabas ng China.

Halos dalawang linggo matapos ang pagpapalit ng liderato sa Senado ay halata pa ring hindi nagkakaunawaan o nagkakasundo ang ilang senador. Ang grupo ngang "solid 7" hati rin sa ideya kung mananatili ba sa grupo o kakalas nalang at lilipat sa minority bloc.

Patuloy pang tinutugis ng tropa ng 5th infantry division ng Philippine Army ang komunistang teroristang grupo na nakasagupa nila sa probinsya ng Kalinga. Sa nasabing engkwentro, dalawa sa mga sundalo ang naiulat na sugatan.

Ini-imbestigahan na ng Metropolitan Waterworks and Sewerage System Regulatory Office (MWSS RO) ang serbisyo ng Maynilad sa ilang konsyumer nito sa katimugang bahagi ng Metro Manila. Paano naman kasi, hindi maaaring inumin ng mga konsyumer ang tubig gripo na isinusuplay ng naturang konsesyonaryo sa mga kabahayan.

Isang linggong aktibidad ang inorganisa ng Department of Migrant Workers o DMW para ipagdiwang ang National Migrant Workers’ Day na itinakda sa June 7 ngayong taon. Tampok sa naturang kaganapan ang pag-award ng financial assistance sa higit isang daang distressed OFW beneficiaries.

Para sa mga mahilig sa visual arts, bisitahin ang isang art exhibition sa Makati City tampok ang mga obra ng tatlong henerasyon ng mga visual artist na nagtapos sa University of Santo Tomas. Sa Manila Clock Tower Museum naman, bida ang mga mural na nagsusulong ng sustainable development goals.