TotoongBosesTBNB

Pumalo sa 63.6 percent ang ibinagsak ng foreign investments sa bansa sa unang kwarter ng taon ayon sa Philippine Statistics Authority. Sabi ng isang ekonomista, nakaapekto raw ng sa pagbulusok pababa ng ating ekonomiya ang nagpapatuloy na tensyon sa mga pinag-aagawang teritoryo sa West Philippine Sea.

Patuloy pa rin ang ginagawang pagtugis ng Special Action Force (SAF) sa mga rebeldeng tumakas matapos na maka-engkwentro ng mga commando ang nasa humigit kumulang sampung miyembro ng CTGs sa Camarines Sur.

Kinumpirma ni Senate majority leader Francis Tolentino na nasa 15 Senador ang pumirma para maluklok sa senate presidency si Senador Chiz Escudero. Kabilang sa pumirma ay ang mga PDP-Laban senators. Samantala, inamin naman ni Escudero, na siya ang naunang gumawa ng hakbang para sa pagpapaalis kay Zubiri.

Pinalawig pa ng Metropolitan Manila Development Authority o MMDA ang hindi paniniket sa mga E-bike o E-trike na dumadaan sa national roads - ng hanggang isang linggo. Pero - babala ng mmda sa mga mahuhuli sa susunod na linggo - maiimpound na ang mga unit na hindi rehistrado at minamaneho ng mga di’ lisensyadong driver.

Pina-iimbestigahan na ng kalihim ng Agriculture Department ang napaulat na modus na nalilihis umano ang mga nakukumpiskang mga smuggled agricultural products sa ilang Anti-agricultural Smuggling Operation. Imbes kasi na sirain at itapon ay naibabalik daw sa mga may-ari.

Magandang balita para sa mga kapatid nating magsasaka dahil handog ng Cleanfuel ang abot-kaya pero de kalidad na produktong petrolyo para sa inyo. Isang kasunduan nga ang pinasok ng parehong Cleanfuel at Go traktora na layong pagaanin - kahit papaano - ang pasaning dulot ng mahal na presyo ng gasolina sa merkado. Ang handog ng dalawang kumpanya - discount cards - para sa mga masisipag nating magsasaka.

Malaking bagay na para sa mga low income family na makabili ng P29/kg ng bigas sa mga Kadiwa stores. Pero para sa grupo ng Samahang Industriya ng Agrikultura o SINAG hindi naman daw ito pangmatagalang solusyon sa mahal pa ring presyo ng bigas kada kilo sa merkado.

Panayam kay Prof. Anna Malindog-Uy, isang geopolitical analyst

Nasa 87 percent na ang reactivation rate ng Local Price Coordinating Council na layuning bantayan ang presyo ng mga pangunahing bilihin sa gitna ng napipintong La Niña phenomenon ayon sa DTI. Samantala, sinabi ng ahensiya na limang major manufacturers ang nagpahiwatig na magpatupad ng voluntary price freeze para sa iba’t ibang mga produkto.

Balik-operasyon na ang Ninoy Aquino International Airport matapos ang halos tatlong oras na aberya nitong lunes dahil sa computer glitch sa air traffic management system. nagdulot naman ito ng pagkakaantala sa higit animnapung flights kabilang ang tatlong nakansela.

Walang naitalang pangha-harass ang pwersa ng pamahalaan mula sa China sa isinagawang pagkuha at pagpapalit sa tatlong maysakit na sundalo na nasa BRP Sierra Madre sa Ayungin Shoal. Ayon kay Sen. Tol Tolentino, pwede naman palang maging maayos at payapa ang bawat pagkilos habang nasa gitna ng karagatan.

Para kay dating chief presidential legal counsel Atty. Panelo, ang ginagawa ngayon ng gobyerno kay Bamban Mayor Alice Guo ay hindi na makatarungan. Aniya, kung hindi kwalipikado si Guo sa pagiging Alkalde ay bakit di nalang daw ito kasuhan at hayaan ang Korte na gawin ang kanilang trabaho?

Ipinaliwanag ng isang batikang abogado at international law expert ang posisyon ng Pilipinas kaugnay sa plano ni pang. Marcos Jr. na paiimbestigahan ang diumano'y unverified phone call sa pagitan ng isang Chinese diplomat at ni dating Wescom chief vice Admiral Alberto Carlos sa isyu ng “new model” agreement sa Ayungin Shoal.

Kulong at himas rehas ngayon ang dalawang indibidwal na nagbebenta ng sanggol sa online. Tiniyak naman ng DSWD na mahaharap ang mga ito sa patong-patong na kaso.

Nababahala ang dating chief presidential legal counsel Atty. Salvador Panelo sa kahihinatnan ng administrasyon ni pangulong Bongbong Marcos Jr. kung hindi nito haharapin ang mga isyung kinasasangkutan niya.

Hindi sang-ayon ang ilang mga Pinoy sa sinabi ni Presidential Adviser for Poverty Alleviation Larry Gadon na haka-haka lang ang kahirapan sa Pilipinas.

Dapat na umanong pagdesisyunan ngayon ng Pilipinas kung dapat pang manatili ang mga EDCA site. Ayon sa dating opisyal ng malakanyang, mabubura sa mapa ang Pilipinas oras na sumiklab ang digmaan.

Kinukwestyon ngayon ni PNP chief PGen. Rommel Francisco Marbil ang pamunuan ng PNP-SAF kung bakit napunta dito sa Metro Manila ang kanilang dalawang tauhan gayong sa Mindanao ang mga ito na destino, napag-alaman din na nage-escort ang dalawa sa mga Chinese.

Ikinababahala ng gobyerno ng Pilipinas ang bagong coast guard regulation ng China sa West Philippine Sea ayon sa National Security Council.

Mas mapapalakas pa ang seguridad at turismo sa Intramuros kasunod ng pagbubukas ng headquarters ng 1304th ready reserve infantry "the fort" battalion sa loob mismo ng kilalang tourist spot. Umaasa nga ang Department of Tourism na sa pamamagitan ng bagong headquarters ay mas maraming kabataan ang mahihikayat na sumali sa reserve corps.

Muling nanawagan sa publiko ang Metropolitan Manila Development Authority na iwasan ang pagtapon ng mga basura sa mga daluyan ng tubig ngayong papalapit na ang La Niña. Aminado ang MMDA na hindi na kayang i-accommodate ng ilang drainage system sa NCR ang malaking volume ng tubig.

Interview with Atty. Glenn Chong, Anti-Election Fraud Advocate

Upang mapigilan ang mga hoarders at mga nananamantala sa presyo ng mga pangunahing produkto tuwing tag-ulan, nangako ang Department of National Defense na paiigtingin ang gagawing price monitoring katuwang ang ibang ahensiya.

Malungkot na balita dahil kumpirmadong patay sa isang helicopter crash ang pangulo ng Iran na si President Ebrahim Raisi kasama ang kanyang foreign minister na si Hossein Amirabdollahian, at pito pang iba nitong lunes, ayon sa Iran State Media.

Hinatulang guilty ng Taguig City RTC ang high-value target at terrorism financier na si Ominta Maute. Ayon sa Department of Justice, si Ominta ang matriarka ng maimpluwensyang pamilyang Maute sa Marawi City na nauugnay sa iba't ibang aktibidad ng terorismo.