პირველი არხი - ფილმები რეჟისორი: შალვა შენგელი ავტორები: შალვა შენგელი, ნინო ჩუტკერაშვილი კომპოზიტორი: დავით ევგენიძე იდეის ავტორი: რუსუდან მანჯგალაძე პროდიუსერები: ბექა ბარამიძე, ნინო მდევაძე youtube.com/watch?v=d03QC8Z6eGE ფილმი მოგვითხრობს საქართველოს ეროვნული გმირის, მეოთხე ქვეითი ბრიგადის 41-ე ბატალიონის კაპრალის, გიორგი ანწუხელიძის ცხოვრებაზე. ეს გულღია, ნათელი, ფიზიკურად ძლიერი და სულიერად უტეხი ჯარისკაცი 2008 წლის აგვისტოში, რუსეთ-საქართველს ომის დროს, ოსმა სეპარატისტებმა ტყვედ ჩაიგდეს და წამებით მოკლეს. მისი წამების ვიდეოკადრები ინტერნეტით გაავრცელეს. ფილმში მონაწილეობენ გიორგის ოჯახის წევრები და მეგობრები. მის მშობლიურ სოფელ ალვანში, გიორგი ანწუხელიძის საპატივსაცემოდ, ყოველწლიურად იმართება დალაობა და დოღი. მისი სახელი მინიჭებული აქვს კავკასიონის ქედის ერთ-ერთ მწვერვალს. ფილმში შესაულია უნიკალური, ექსკლუზიური საარქივო კადრები, რომელზეც ეროვნული გმირი მის სიცოცხლეშია გადაღებული. როგორ ცხოვრობდა, რაზე ოცნებობდა და ელოდნენ თუ არა მისგან გმირულ საქციელს მისი ახლობლები დასაკრავი სიები: ჩვენი ისტორიის ტკბილ-მწარე საქართველოს გმირები

პირველი მოწვევის უზენაესი საბჭოს სესია. თბილისი, მთაავრობის სახლი. 09. 04. 1991. 12 სთ, 30 წთ. საქართველოს სახელმწიფო არქივის კადრები დამოუკიდებლობის აღდგენის აქტი მიღებულ იქნა 1991 წლის 31 მარტის ისტორიული რეფერენდუმზე დაყრდნობით, რომელშიც საქართველოს მოსახლეობის აბსოლუტურმა უმრავლესობამ ხმა მისცა ქვეყნის დამოუკიდებლობის აღდგენას 1918 წლის 26 მაისის დამოუკიდებლობის აქტის საფუძველზე, რითიც საქართველოს მეორე რესპუბლიკა გამოცხადდა პირველი რესპუბლიკის სამართალმემკვიდრედ. დამოუკიდებლობის აღდგენა გამოაცხადა საქართველოს პირველმა პრეზიდენტმა, ბ-ნმა ზვიად გამსახურდიამ. დასაკრავი სიები: ზვიად გამსახურდია - დისიდენტი და პრეზიდენტი ჩვენი ისტორიის ტკბილ-მწარე

კინოალმანახი საქართველოს მოამბე" N4, 1991 წლის აპრილი. 1991 წლის 31 მარტს, საქართველოში ჩატარდა რეფერენდუმი კითხვით „თანახმა ხართ თუ არა აღსდგეს საქართველოს სახელმწიფოებრივი დამოუკიდებლობა 1918 წლის 26 მაისის დამოუკიდებლობის აქტის საფუძველზე?“ კენჭისყრაში მონაწილეობა მიიღო ამომრჩეველთა 90.57%-მა, სულ 3 302 572-მა ადამიანმა. მონაწილეთა 99,08 %-მა საქართველოს დამოუკიდებლობის აღდგენას მხარი დაუჭირა. „საქართველოს მოამბის“ სიუჟეტი ამ რეფერენდუმის შესახებ. დაცულია საქართველოს ეროვნულ არქივში. ვიკიპედიიდან: საქართველოს დამოუკიდებლობის აღდგენის რეფერენდუმი — 1991 წლის 31 მარტს, საქართველოს ეროვნულმა ხელისუფლებამ, უზენაესი საბჭოს თავმჯდომარის, ზვიად გამსახურდიას ხელმძღვანელობით, ჩაატარა რეფერენდუმი — საერთო-სახალხო კენჭისყრა სახელმწიფოებრივი დამოუკიდებლობის საკითხზე. რეფერენდუმი დაინიშნა საქართველოს რესპუბლიკის უზენაესი საბჭოს 1991 წლის 28 თებერვლის დადგენილების საფუძველზე. ამ დადგენილებით გაუქმდა საქართველოს რესპუბლიკის ტერიტორიაზე საბჭოთა კავშირის უმაღლესი საბჭოს მიერ 1991 წლის 17 მარტს დანიშნული რეფერენდუმი სსრ კავშირის შენარჩუნების საკითხზე და 1991 წლის 31 მარტს დაინიშნა საქართველოს რესპუბლიკის რეფერენდუმი საქართველოს სახელმწიფოებრივი დამოუკიდებლობის აღდგენის თაობაზე კითხვით „თანახმა ხართ თუ არა აღსდგეს საქართველოს სახელმწიფოებრივი დამოუკიდებლობა 1918 წლის 26 მაისის დამოუკიდებლობის აქტის საფუძველზე?“[1] რეფერენდუმი ჩატარდა 1991 წლის 31 მარტს მთელი საქართველოს მასშტაბით. რეფერენდუმში მონაწილეობა მიიღო სამხრეთ ოსეთის ყოფილი ოლქისა და აფხაზეთის ავტონომიური რესპუბლიკის მოსახლეობამაც. რეფერენდუმში მონაწილეთა რაოდენობა შეადგენდა 3.302.572 ადამიანს (ამომრჩეველთა 90,3 პროცენტი). მონაწილეთა 98,9 პროცენტმა მხარი დაუჭირა საქართველოს დამოუკიდებლობის აღდგენას. რეფერენდუმის შედეგად, იმავე წლის 9 აპრილს, საქართველოს რესპუბლიკის უზენაესმა საბჭომ მიიღო საქართველოს სახელმწიფოებრივი დამოუკიდებლობის აღდგენის აქტი. იმავე დღეს აშშ-ის სენატმა საგანგებო რეზოლუციით [2] ლეგიტიმურად ცნო 31 მარტის რეფერენდუმის შედეგები, რაც წარმოადგენდა საქართველოს დამოუკიდებლობის დე-ფაქტო ცნობას. ამომრჩეველთა საერთო რიცხვი იყო 3,672,403 რეფერენდუმის მონაწილეთა რიცხვი – 3. 334. 286, რაც შეადგენს ამომრჩეველთა საერთო რიცხვის 90,79%; კენჭისყრის მონაწილეთა რიცხვი – 3. 326. 100; რაც შეადგენს ამომრჩეველთა საერთო რიცხვის 90,57%-ს; სარეფერენდუმოდ გამოტანილი საკითხის დადებითად გადაწყვეტის „დიახ” მომხრეთა რიცხვი – 3. 295. 493, რაც შეადგენს კენჭისყრის მონაწილეთა რიცხვის 99,08%-ს; სარეფერენდუმოდ გამოტანილი საკითხის უარყოფითად გადაწყვეტის, „არა” მომხრეთა რიცხვი – 16. 917, რაც შეადგენს კენჭისყრის მონაწილეთა რიცხვის 0,51%-ს. ბათილად ცნობილი ბიულეტენების რაოდენობა — 13. 690, რაც შეადგენს კენჭისყრის მონაწილეთა რიცხვის 0, 41%-ს. დასაკრავი სიები: ზვიად გამსახურდია - დისიდენტი და პრეზიდენტი ჩვენი ისტორიის ტკბილ-მწარე

საპატრიარქოს ტელევიზია "ერთსულოვნება" დილის გადაცემა "განთიადი". 31. 03. 2021 გადაცემის სიუჟეტი წამყვანი ელისაბედ აბულაძე სტუმარი მანანა გაბაშვილი - აღმოსავლეთმცოდნე-ისტორიკოსი, ისტორიის დოქტორი, მეორე რესპუბლიკის პარლამენტარი; საქართველოს პირველი რესპუბლიკის მთავრობის წევრის ნიკოლოზ გაბაშვილის შვილიშვილი; საქართველოში აღმოსავლეთმცოდნე ისტორიკოსთა სკოლის ფუძემდებლის, მწერალ ნიკოლოზ გაბაონის (აკადემიკოსი ვალერიან გაბაშვილი) ქალიშვილი. დასაკრავი სიები: ზვიად გამსახურდია - დისიდენტი და პრეზიდენტი ჩვენი ისტორიის ტკბილ-მწარე

ტვ-იმედი. იმედის დღე. 29. 03. 2024 რუბრიკის წამყვანი გიორგი კალანდია - ისტორიკოსი, ტელეწამყვანი, ხელოვნების სასახლის დირექტორი დასაკრავი სია: ჩვენი ისტორიის ტკბილ-მწარე