Lag Shan Hemat Da Laga Duia Da, Da Shago Kor Da Teza Hawa Da | Rehman Gull Marwat | Mumtaz Outakzia

رحمـــان ګل او د ګـــــران مشـر محـترم ممــتاز لالا ملغلـرې💝💝

نورې ځمکې نورو لوبو ته وړیا دې
د مرګ لوبه د افغان په ځمکه کیږي

ماته خلک ولې ستورې ، ستورې کیږي
شک مې ولې د اسمان په ځمکه کیږي

وخت میشته په پردۍ ځمکه کړم رنځور یم
نــــښتر کـــله د مـــلتان په ځـــمکه کــــیږي

د هر عم نه لاس په سر يمه ممتازه
ګـــزاره مــې د ارمان په زمــکه کـيږي

او دويم

لږ شان همـــــــــت دې، لـــــږه دعا ده
د شــــــــــګو کـــــور دې تيزه هوا ده

چې ځې نو لاړ شه زه به هم لاړ شم
الله مــــــــــــــــالک دې لويه دنيا ده

سپينه خـــــــــــــــبره، لنډه قصه ده
د ژوند مجـــــرم يم ساه مې سزا ده

کم کم ليدے شي، ډير محسوسيږي
هغه يــــــــو ناز دې، يـــــــوه ادا ده

هو! زه حســين يم، د اوسني وخت
پښتونخـــــوا څه ده؟ خو کربلا ده

‏د امن مينه، قســـــــــم په رب چې
زما ســــــــودا وه زما ســــــودا ده

مـمتازه! خـــــوب هم يو بيابان دې
ممـتازه! خيــــــــال هم يوه خلا ده