TotoongBosesTBNB

Panayam kay Atty. Israelito Torreon, legal counsel ni MinDa Sec. Mabel Acosta

Panayam kay Rep. Ron Salo, Kabayan Partylist

Panayam kay Lucio Blanco Pitlo III, isang foreign policy at security analyst

Kinumpirma ni Senate President Chiz Escudero na mananatiling chairman ng committee on public order and dangerous drugs si Sen. Bato Dela Rosa. Si Sen. Tol naman na ngayon ay majority leader ay bibitawan ang pinangungunahan niya noong justice committee.

Tiniyak ng Bureau of Correction at ng pamahalaang lungsod ng Muntinlupa na hindi magagalaw ang mga historical landmark ng New Bilibid Prison sa Muntinlupa City sa gagawing development o modernization sa New Bilibid Prison.

Pagsasayang lang daw ng panahon at pera ang isinasagawang pagdinig tungkol sa "gentleman's agreement" ayon sa isang geopolitical analyst at ng dating opisyal ng Duterte administration.

Dahil wala naman talagang naganap na gentleman's agreement sa pagitan ng Pilipinas at China ay mas makabubuting 'patayin' nalang ang isyung ito. Ayon sa mismong tagapagsalita ng West Philippine Sea, kailangang maging maingat ang lahat sa mga pinaniniwalaan nitong naratibo dahil posible itong magresulta sa 'di pagkakasundo.

Mga dating opisyal ng Duterte administration, nagsalita na sa isyu ng umano'y gentleman's agreement. Giit nila, wala naman talagang binuong kasunduan sa pagitan ng Pilipinas at China noong panahon ni dating pangulong Rodrigo Duterte.

May mga agam-agam ang mga tao ngayon na walang kinalaman ang Malacañang sa pagpapalit ng liderato sa Senado. Mismong si Atty. Salvador Panelo, hindi rin naniniwala dito.

Imposibleng mangyari na imbestigahan rin ang ‘new model’ agreement ng kasalukuyang administrasyon sa pinag-aagawang teritoryo sa West Philippine Sea. Ayon sa isang geopolitical analyst, siguradong mabubulgar ang pagsisinungaling ng ilang opisyal kung itutuloy ito.

Nabiktima na naman ng data breach ang pambansang pulisya matapos na ma-hack ang kanilang logistics data information and management system. Sunod namang inatake ng mga hacker ang fire and explosives office. at para nga mapigilan ang pag-leak ng mga importanteng datos ng PNP ay pansamantala munang isinara ng pulisya ang kanilang system.

Dahil sa sobrang kapal ng mga basurang palutang-lutang sa ilog Pasig ay hindi makadaan ang mga bangka mula PUP hanggang Escolta station ng Pasig River ferry service. Kaya naman muling nagpapaalala ang MMDA sa publiko - maging responsible naman sana sa pagtatapon ng basura lalo't numero uno itong dahilan ng pagbaha sa Metro Manila.

Sumampa na sa mahigit 10 milyong piso ang halaga ng pinsalang dulot ng El Nino sa livestock industry ayon mismo sa Agriculture Department. Sabi ng ahensiya, dahil sa matinding init ng panahon ay apektado na rin ang nasabing industriya. pero, mas nababahala ang isang grupo ng magbababoy sa pagpasok ng panahon ng tag-ulan kung saan laganap daw ang pagkalat ng sakit na African Swine Fever o ASF.

Aprubado na ng Malacañang ang bagong schedule ng school year 2024-2025. iyan ay para sa muling pagbabalik sa dating school calendar para sa mga pampublikong paaralan sa bansa. marami kasing humiling na maibalik ang old school calendar dahil sa nararanasang matinding init ng panahon dulot ng El Niño.

Suportado ng DILG ang pagsasampa ng kaukulang kaso sa mga dating opisyal ng provincial government ng Tarlac at maging sa pulis nito matapos na mabisto ang isang malaking POGO hub sa Bamban Tarlac. zMatatandaang ipinasara ito dahil sa mga natuklasang iligal na aktibidad sa loob ng gusali.

Pahayag ni pangulong Bongbong Marcos na wala raw'ng ginawa ang Aquino at Duterte administration para maibangon ang Tacloban matapos itong hagupitin ng super bagyong Yolanda, kinontra ni Atty. Salvador Panelo. Sabi ng dating presidential legal counsel, 'MISINFORMED' si Marcos Jr kaya't dapat nitong pagsabihan ang mga nagbibigay ng maling impormasyon sa kanya para iwas-pahiya siya sa publiko.

Hindi maintindihan ni dating chief presidential legal counsel Atty. Salvador Panelo kung bakit tila pinag-iinitan si dating PDEA agent Jonathan Morales kaugnay pa rin sa isyu ng PDEA leaks, lalo na ngayong siya ay na-cite in contempt matapos siyang ‘di paniwalaan sa Senado.

Pumalo sa 63.6 percent ang ibinagsak ng foreign investments sa bansa sa unang kwarter ng taon ayon sa Philippine Statistics Authority. Sabi ng isang ekonomista, nakaapekto raw ng sa pagbulusok pababa ng ating ekonomiya ang nagpapatuloy na tensyon sa mga pinag-aagawang teritoryo sa West Philippine Sea.

Patuloy pa rin ang ginagawang pagtugis ng Special Action Force (SAF) sa mga rebeldeng tumakas matapos na maka-engkwentro ng mga commando ang nasa humigit kumulang sampung miyembro ng CTGs sa Camarines Sur.

Kinumpirma ni Senate majority leader Francis Tolentino na nasa 15 Senador ang pumirma para maluklok sa senate presidency si Senador Chiz Escudero. Kabilang sa pumirma ay ang mga PDP-Laban senators. Samantala, inamin naman ni Escudero, na siya ang naunang gumawa ng hakbang para sa pagpapaalis kay Zubiri.

Pinalawig pa ng Metropolitan Manila Development Authority o MMDA ang hindi paniniket sa mga E-bike o E-trike na dumadaan sa national roads - ng hanggang isang linggo. Pero - babala ng mmda sa mga mahuhuli sa susunod na linggo - maiimpound na ang mga unit na hindi rehistrado at minamaneho ng mga di’ lisensyadong driver.

Pina-iimbestigahan na ng kalihim ng Agriculture Department ang napaulat na modus na nalilihis umano ang mga nakukumpiskang mga smuggled agricultural products sa ilang Anti-agricultural Smuggling Operation. Imbes kasi na sirain at itapon ay naibabalik daw sa mga may-ari.

Magandang balita para sa mga kapatid nating magsasaka dahil handog ng Cleanfuel ang abot-kaya pero de kalidad na produktong petrolyo para sa inyo. Isang kasunduan nga ang pinasok ng parehong Cleanfuel at Go traktora na layong pagaanin - kahit papaano - ang pasaning dulot ng mahal na presyo ng gasolina sa merkado. Ang handog ng dalawang kumpanya - discount cards - para sa mga masisipag nating magsasaka.

Malaking bagay na para sa mga low income family na makabili ng P29/kg ng bigas sa mga Kadiwa stores. Pero para sa grupo ng Samahang Industriya ng Agrikultura o SINAG hindi naman daw ito pangmatagalang solusyon sa mahal pa ring presyo ng bigas kada kilo sa merkado.