AfricaContent

Houses in Africa, this is our life and we enjoy.

Ameyazungumza hayo baada ya kuwatembealea shuleni kwako.

Siku hiyo ilikuwa ya jua kali huku upepo mwanana ukivuma kutoka milima ya Uluguru, ukichangia hewa safi na baridi pembezoni mwa ukumbi wa mikutano uliopo Chuo Kikuu cha Kilimo na Mifugo (SUA) mkoani Morogoro. Hapa ndipo mjadala muhimu uliohusu hitimisho la mafunzo ya In-Service Applied Veterinary Epidemiology Training-ISAVET yaliyoandaliwa na FAO Tanzania ulifanyika. Washiriki walikusanyika kwenye moja ya kumbi ndogo za mikutano pembezoni mwa ukumbi mkuu wa mikutano, kujadili mafanikio na changamoto za programu hiyo. Ufunguzi wa Mjadala: Dr. Moses Ole Neselle kutoka FAO, akiwa ni msimamizi wa programu hiyo, alianza kwa shukrani za dhati kwa washiriki wote waliohudhuria na kwa mchango wao muhimu katika mafunzo hayo. “Mafunzo ya ISAVET yamelenga kuboresha ufuatiliaji na usimamizi wa magonjwa ya mifugo. Leo tuko hapa kujadili tuliyojifunza na jinsi tunavyoweza kuboresha zaidi katika siku zijazo,” alisema Dr. Neselle kwa msisitizo. Ushuhuda wa Washiriki: Bi. Asha Zahran, Kaimu Mkurugenzi wa Idara ya Mifugo kutoka Zanzibar, alikuwa wa kwanza kutoa maoni yake. Alielezea jinsi mafunzo yalivyoboresha ufuatiliaji wa magonjwa huko Zanzibar. “Kupitia mafunzo haya, tumeweza kuboresha mfumo wetu wa taarifa za magonjwa na kuweka mikakati madhubuti ya kudhibiti magonjwa yanayotishia mifugo yetu,” alisema Bi. Asha kwa shauku. Fusebia Mussa, mshiriki wa mafunzo kutoka Wilaya ya Tanganyika, alisimama na kutoa ushuhuda wake. “Kupitia haya mafunzo hakika nimeongeza ujuzi mkubwa na nitakapo rejea kituoni kwangu nitafanya mabadiliko makubwa hususani katika ufuatiliaji wa magonjwa ya mifugo, na ikiwa nipamoja na uchukuaji wa hatua za kuyadhibiti,” alielezea Fusebia akionyesha matumaini makubwa baada ya program hiyo. Bi. Wantere Maswe kutoka Kituo cha Mifugo cha Ramadi wilayani Busega, alieleza jinsi mafunzo hayo yanavyoweza kumsaidia katika kuboresha ushirikiano kati ya wakulima na wataalamu wa mifugo. “Mafunzo haya yamenifundisha mbinu za kuwasiliana vizuri na wakulima, na sasa tutafanya kazi pamoja kwa karibu zaidi kuhakikisha mifugo yetu inabaki na afya njema,” alisema Bi. Wantere kwa tabasamu. Mjadala ulipofikia mwisho, Dr. Neselle alitoa hitimisho lake, akiwapongeza washiriki kwa mchango wao mkubwa. “Tumepata mengi kutoka kwa kila mmoja wenu. Haya mafunzo yameonyesha umuhimu wa ushirikiano na ufuatiliaji thabiti. Tunahitaji kuendelea kuboresha mifumo yetu na kushirikiana kwa karibu zaidi, hata hivyo ni muhimu tuendelee kujifunza na kubadilishana taarifa. Pia, tunahitaji kuhakikisha mafunzo haya yanakuwa endelevu na yanafikia maeneo mengi zaidi, hususan vijijini,” alisema Dr. Neselle.

Shirika la Umoja wa Mataifa la Chakula na Kilimo (FAO) liliamua kufanya kitu kikubwa nchini Tanzania kwa siku ya Chakula Duniani. Walitaka kuleta mabadiliko katika maisha ya watoto na historia isio futika kwenye maisha na familia zao kwa kuwaelimisha kuhusu umuhimu wa lishe bora. FAO iligundua kuwa njia bora ya kufanya hivyo ilikuwa kuanzisha programu ya kufundisha watoto mapishi ya vyakula vyenye lishe. Kwa ushirikiano wa serikali ya Tanzania na wadau wengine wa maendeleo, FAO ilianza kutekeleza wazo hili la kipekee. Kupitia miradi yake mbali mbali ambayo hutekelezwa nchini Tanzania ilinayo husika na kilimo pamoja na masuala ya lishe kama vile mradi wa AGRI-CONNECT unao tekelezwa katika mikoa ya Tanzan ia bara na Zanzibar, unao husisha shule za msingi. Stella Kimambo ni afisa lishe kutoka Fao Tanzania, kupitia siku ya chakula duniani ambayo ilifanyika kitaifa Mkoani Kigoma anaeleza umuhimu wa vyakula vya protini kwa familia na hasa kwa watoto.