Islamic videos

دعا بغیر درود پاک کے حضرت عمر بن خطاب رضی اللہ عنہ سے مروی ہے کہ دعا آسمان اور زمین کے درمیان رکی رہتی ہے ، اسمیں زرا سی بھی اوپر نہیں جاتی جب تک کہ تم اپنے نبی کریم صلی اللہ علیہ وسلم پر درود پاک نا بھیجو ۔ ( ترمذی شریف ، حدیث 486 )

حضرت علی رضی اللہ عنہ فرماتےہیں کہ نبی کریم صلی اللہ علیہ وسلم نے ارشاد فرمایا کہ جب میری امت اپنے علماء سے بغض رکھنے لگے گی ، اور بازاروں کی عمارتوں کو بلند کرنے لگے گی ، اور مال ودولت پر نکاح کرنے لگے گی ( یعنی نکاح میں دیندار ی اور تقویٰ کی بجائے مال ودولت پر نکاح کیا جائے گا) تو حق تعالیٰ شانہ ان پر چار قسم کے عذاب مسلط فرمادیں گے ۔ 1قحط سالی ہو جائے گی 2 باد شاہ کی طرف سے مظالم ہونے لگیں گے 3 حکام خیانت کرنے لگیں گے 4 دشمنوں کے پے در پے حملے ہونگے ( فتاویٰ رحیمیہ ج 2 ص 82-83 ، کتاب الایمان معاصی اور توبہ کا بیان)۔

درس حدیث: (الله تعالیٰ تم سے محبت کرے گا اور لوگ بھی تم سے محبت کریں گے) ایک شخص نبی صلی الله علیہ وآلہ وسلم کی خدمت میں حاضر ہوا اور عرض کیا، يا رسول الله ! مجھے ایسا عمل بتائیے جسے میں کروں تو الله تعالیٰ مجھ سے محبت کرے، لوگ بھی مجھ سے محبت کریں، رسول الله صلی الله علیہ وسلم نے فرمایا: دنیا سے بے نیاز رہو، الله تعالیٰ تم کو محبوب رکھے گا، اور جو کچھ لوگوں کے پاس ہے اس سے بے نیاز ہو جاؤ تو لوگ بھی تم سے محبت کریں گے۔ (ابن ماجہ حدیث 4102)