نصير آباد ڀرسان ڳوٺ گهنور خان لهٻر ۾ اڻڄاتل ماڻهن پاران گوليون هڻي 18 سالا نوجوان نويد لهٻر

هڪ مهينو اڳ نصير آباد ڀرسان ڳوٺ گهنور خان لهٻر ۾ اڻڄاتل ماڻهن پاران گوليون هڻي ساڙي ماريل 18 سالا نوجوان نويد لهٻر جي قاتلن جي گرفتاري جي لاء پيارو اسٽيشن ڀرسان ڳوٺ صاحب خان لهٻر جي رهواسي نويد جي والد گلشير لهٻر، جي اڳواڻي ۾ پيارو اسٽيشن ريلوي کي ڦاٽڪ کي بند ڪري احتجاجي مظاهرو ڪيو ويو،
مظاهري ۾ غلام نبي لهٻر، منٺار لهٻر، الله ڏنو لهٻر، امام بخش لهٻر، امان الله لهٻر، رئيس محمد پناه ابڙو. مير خان ڪلوئي ۽ مشهور ميمڻ. منير سمون ۽ ٻين شرڪت ڪئي

ان موقعي تي مرحوم نويد گلشير لهٻر ۽ ٻين ميڊيا اڳيان ڳالهائيندي چيو ته هڪ مهينو اڳ ۾ اسان جي پٽ نويد لهٻر کي نصيرآباد لڳ ڳوٺ گهنور خان لهٻر ۾ گوليون هڻي ساڙي بيدردي سان قتل ويو هيو جنهن جي اسان نصيرآباد ٿاڻي تي ايف آء آر ڪٽرائي هئي جنهن کان پوء ايس ايس پي قمبر شدادڪوٽ جي آء ٽي جوڙي ڪيس جي جانچ ڪئي ۽ هڪ جوابدار اڪيل لهٻر کي گرفتار ڪيو جنهن اسان جي پٽ جي خون جو اقرار ڪيو پر ان سان گڏ ٻيا جيڪي جوابدار هيا اهي هن وقت تائين ظاهر نه ڪيا ويا آهن، هن وڌيڪ ٻڌايو ته جيڪو جوابدار پوليس گرفتار ڪيو آهي اهو ۽ ان جا مائٽ اسان کي ڪيس تان هٿ کڻڻ جون موت مار ڌمڪيون ڏئي رهيا آهيو آهي، ان ڪري اسان کي اسان کي ڪو نقصان نه پهچي اسان کي تحفظ ڏنو وڃي، اسان جي داخل ڪيل ايف آء آر ۾ اي ٽي سي ايڪٽ جا قلم لڳايا وڃن ۽ اسان جي نوجوان جي قتل جي ڪيس جي جاچ ايس ايس پي دادو عرفان علي سمون جي حوالي ڪئي وڃي ۽ جوابدارن کي گرفتار ڪري مقتول جي خون سان انصاف ڪيو وڃي.

رپورٽر احسان علي مري ايٽ پيارو اسٽيشن