ڀان سيدآباد جي پيراڊائيز پبلڪ اسڪول ۾ سالياني ايوارڊ ورهائڻ جي تقريب

(رپورٽ: اظهر ڪنڀر ڀان سيدآباد)
ڀان سيدآباد جي پيراڊائيز پبلڪ اسڪول ۾ سالياني ايوارڊ ورهائڻ جي تقريب، پوزيشن ماڻيندڙ شاگردن کي انعام ڏنا ويا، ڀان سيدآباد جي پيراڊائيز پبلڪ اسڪول ۾ نامياري تعليمدان، سماج سڌارڪ ۽ ڀان هاءِ اسڪول جي هيڊ ماستر اظهر حسين بلوچ ۽ پرنسيپال رياض احمد ڳنڀير جي سربراهيءَ هيٺ هڪ رنگارنگ تقريب ٿي گذري، جنهن ۾ پوزيشن حاصل ڪندڙ شاگردن ۽ شاگردياڻين کي انعام ۽ ٽرافيون ڏنيون ويون، تقريب ۾ اڳوڻي ڪائونسلر محمد عيسيٰ جمالي، هيومن رائٽس اڳواڻ حاجي محمد جمالي، حاجي محمد عیسیٰ جمالي، راجا سهيل لانگاھ ۽ ٻين شرڪت ڪئي، ان موقعي تي مقررن خطاب ڪندي چيو ته ٻار اسان جو مستقبل آهن، انهن جي همٿ افزائي لاءِ اسڪول ۾ هرسال ايوارڊ ورهائڻ جي تقريب ڪوٺائي ويندي آهي ته جيئن ٻارن ۾ وڌيڪ محنت ڪرڻ جو جذبو پيدا ٿئي ۽ هو پنهنجي زندگي ۾ درپيش چئلينجز کي منهن ڏئي سگهن...