ٹھٹھہ:عرب شہزادے نے مقامی لوگوں کی زندگی عذاب بنا دی

ٹھٹھہ (نمائندہ جسارت)کوہستان کے شہر جھمپیر کے قریب عرب شہزادے ناصر لوطا نے مقامی لوگوں کی زندگی عذاب بنا دی ہے، عرب شہزادے کوہستانی علاقوں میں عیاشی اور معصوم جانوروں کے شکار کے لیے آتے ہیں اور ان کاموں کے لیے انہوں نے بڑے بڑے فارم ہاوس بنائے ہوئے ہیں عرب شہزادے نے گائوں کے لوگوں کے آنے جانے کے راستے بھی بند کردیے ہیں، مقامی لوگوں کو تشدد کا نشانا بنانا شروع کردیا ہے اور مقامی لوگوں کو حراساں کرنے کے لیے تھانوں کی پولیس طلب کرلی ہے لوگوں کے پانی کے ٹینکروں کا راستہ بند کردیا ہے جس سے پانی کی قلت بھی ہوگئی ہے مویشی چرانے والے لوگوں پر بھی تشدد کراتا ہے عرب شہزادے کی چمچہ گیری اور مقامی لوگوں پر تشدد کے لیے انتظامیہ نے پولیس کی بھاری نفری شہزادے کے فارم ہائوس پر بھیج دی ہے جب کہ مقامی وڈیرے بھی پیسوں کی لالچ میں عرب شہزادے کی مدد کررہے ہیں۔ کوہستان راجونی اتحاد کے رہنما ڈاکٹر لکھمیر پالاری، محمد بخش بروھی، شاہ محمد چانگ، حاجی حسین پالاری، لطیف مری اور دوسروں نے علاقے میں پولیس کی موجودگی کو انتہائی سنگین قرار دیا ہے۔ انہوں نے کہا کہ اس طرح کے واقعات سے ناظم جوکھیو شہید جیسا سانحہ دوبارہ ہوسکتا ہے۔ رہنمائوں نے چیف جسٹس سندھ ہائی کورٹ اور آئی جی سندھ سے اپیل کی ہے کہ مقامی لوگوں کو تحفظ اور مقامی شہزادے کے خلاف کارروائی کی جائے ورنہ بھرپور احتجاج کیا جائے گا۔

#pakistan #arabshahzaday #arabayashi #breaking