مثل مغربي "شاورها و لا تأخذ برأيها"، لماذا القرار الأخير يرجع للزوج؟

كاين المثل المغربي لي كيقول " شاورها و ما تاخذش بريها" للأسف لا الرجال و لا العيالات خاصة النسويات كيفهموه بشكل خاطىء تماما
كيف غادي يشرحنا السيد في الفيديو، فالقرارات الاخيرة في العلاقة خاصها تكون دائما في يد الرجل حيت هو في الاخير لي كيتحمل المسؤولية خاصة في الظروف السيئة. فسواء الفكرة ديال شي قرار كانت ديالو هو أو ديال الزوجة، فهو تيتحمل العواقب فكلا الحالتين.
هادشي ما كيمنعش من أن الرجل يشاور مراتو بل يجب عليه يشاورها الى كان شي قرار كتفهم فيه أو واقف عليه مستقبل و استقرار الاسرة، و لكن بعد التفاق على الفكرة، لي قلنا ممكن تجي من عندها، فالقرار ديال أنك تبع هاد الفكرة كيولي ديالك، و أي مسؤولية أو عواقب سلبية كتولي ديالك، و نتا لي خصك تلقى الحل، ماشي تنوض تقولها نتي قلتيلي اش ندير.
و هذا هو معنى ما تاخذش بريها يعني الرأي ديالها ولا ديالك.
للاسف مع النسويات و البلان لاواه خاص المساواة حتا في اتخاذ القرارت و ديك الهضرة المثالية الخاوية، العيالات كيقلبو على الصداع و المسؤولية شي لي من بعد مدة قصيرة كيعياو منو، و دابا نشوفو فيديوهات من بعد، و كيرجعو يقلبو على الهناء و الدور التقليدي للرجل، شي لي بعض الرجال للاسف حتا هوما تمسح ليهم عقلهم و بداو يلوحو المسؤولية ديالهم بحجة المساواة في الاخير كيخسرو احترام الزوجات ديالهم.

Fcaebook Page: https://www.facebook.com/MoroccanPOVpage
Original Video: https://youtu.be/nCuD_le5xA4