- kakistocracy - Cacocratie - باك صاحبي المحسوبية الزبونية الواسطة كاكيستوقراطية

اغلب المغاربة كيتشكاو من ظاهرة باك صاحبي و لكن في نفس الوقت شفنا أن نفس المغاربة كيلقاو الخدمة سواء في الوظيفة العمومية أو القطاع الخاص عن طريق الواسطة
هاد الظاهرة سميتها الكاكيستوقراطية حيث أن الرؤساء ما كيبغيوش يخدمو الناس لي عندهوم كفاءة حيت كيخافو أولا على بلاصتهم و ثانيا كيخافو يبانو هوما كلاخ، فكيفضلو يجيبو واحد غير كفء باش غير يبقى حال فمو أو تابع بلا ما يسول بزاف، زائد غير الكفء كيكون مخلص للسيد لي دخلو لداك البوسط حيت كيحس براسو غير مستحق لديك البلاصة
في الفيديو غادي يعطيونا 2 أمثلة على هاد القضية في المافيا و في الجامعة حيث الأساتذة المؤطرين كيختارو مثلا صحاب الماستر و الدكتوراه لي كيعرفوهوم و لي عارفينهم ما غاديش يصدعوهوم بزاف و يبقاو تابعينهم بحال الدحوش -من الفيديو- و هادشي شفناه فشي فضائح خرجو من الجامعة المغربية.

Facebook Page: https://www.facebook.com/MoroccanPOVpage