المرأة المتطلبة، ولما يجب الابتعاد عنها

شكرا لكل من شارك في استطلاع الرأي اذن غادي نبداو بالفيديو حول المرأة المتطلبة لي حطيت التعريف ديالها في المنشور السابق.
فهاد الفيديو السيد كي هضر على النساء المتطلبات، كيف كنعرفو عموما النساء طبيعيا عندهم متطلبات لا من الناحية المادية و لا العاطفية و هو شيء خاص الرجل يعرفو و يتقبلو. المشكل هنا هو فين السيدة كتكون حاسة براسها و الأنا الاعلى كيكون زايد نغزة
عندها فكتحسب راسها هي مركز الكون و خاص كلشي يشوف فيها (ايلا مقلناش حاجة أخرى).
هاد القضية كانت خاصة ببعض النساء، المشكل مع نساء العصر و بسباب النسوية و الانترنت، كلهن (الا من رحمها ربها) ولاو حاسبين راسهم "الجائزة" كلهن ولاو ملكات. و عليها ولاو دوك المعايير الخيالية لي شفنا في فيديوهات سابقة. و عليها كتسمع "الله يعطينا زهر الخايبات" حيت كتحسب راسها فوق النساء الاخريات.
المرأة المتطلبة كاتجيب معاها غير المشاكل سواء مادية حيت كتعتابر راسها هاي كلاس يعني خاصك فلوس باش تهلا فيها و ترضيها. سواء عاطفية حيت ديما خاصك تملقها و تحني الرأس حيت دارت فيك خير قبلات عليك.
و هنا كي جي المشكل ديال السيمب المصيبة لي كي عطيوهم الوهم ديال انه عندهن قيمة كثر من الحقيقة و فين يجيها رجل ما فيه حتا عيب كي جيبلها الله كاين 1000 واحد اخر كي تمناها و كتسمع "أنا خطبني بيلوط و ما بغيتش"
أنا شخصيا ما كنعتبر لا الرجل و لا المرأة هو "الجائزة" حيت بزوج مهمين في أي مجتمع و لكن كل واحد عندو دور و مكانة خاصة به. ويلا واحد بغى ياخذ دور الاخر تما القيمة ديالو كاطيح كيف شفنا في فيديو الأمهات الوحيدات. و لكن كتبقى مكانة الرجل جد مهمة و مركزية سواء في الأسرة أو المجتمع و كنتافق تماما مع الجزء الاخير من الفيديو.

Facebook Page: https://web.facebook.com/MoroccanPOVpage
Original Video: https://youtu.be/40Dq98ZlWKc