هل تعمل لتعيش أو تعيش لتعمل؟

من الصغر بنادم كيتربى انه يقرا باش يخدم ولكن ولكن ما علموناش شنو الفرق بين انك تخدم باش تعيش و بين تعيش باش تخدمالمشكل ان الفرق كبير بزاف... فعادي انك تخدم باش تجيب فلوس باش تاكل و تشرب ولكن المشكل فهاد الوقت ان بنادم ولا عايش باش يخدم باش "يحقق ذاتو" يعني حياتو كاملة ضايرة على ديك الخدمة و هما حقيقة كنهضر خاصة على الناس لي قراو بزاف زعما او ولاو دكاترة مهندسين و اطر وما جاورهم (اما ولاد الشعب فمساكن مقاتلين مع الوقت)فبنادم فين كيربط القيمة ديالو بخدمتو او صالير ديالو فكيتكرفس وكيبقى ديما فواحد السباق مع الترقيات و الزيادة فالصالير وهادشي بطبيعة الحال على حساب الحياة الشخصية ديالو يقدر ميتزوجش او مايديرش الأولاد او يمرض بمشي مرض نفسي او جسدي بنادم كاين لي كيوصل ل burn out و المشكل انا هادشي كامل لفائدة واحد العمل أو شركة ماتعقلش عليك اللحظة لي تولي غير منتج ترميك من الشرجم.وهادشي كامل دارتو الرأسمالية باش تقنع بنادم ان الخدمة مهمة وهي لي خاص بنادم يجري موراها وهي لي كتعطي القيمة لبنادم في حين أنه كاين حوايج اخرين اهم من الجري وراء شي حاجة ماشي ديالك اصلا و فأي لحظة يقدرو يجيبو شي واحد بلاصتكواحسن حاجة الواحد يعرف يوازن بين العمل و الحياة الشخصية وميربطش قيمتو بالصالير ويلا لقا يدير شي حاجة ديالو وتكون كتعجبو فهي احسن حاجة.فهاد الفيديو هاد السيدة الامريكية كتهضر على هاد القضية وها الفيديو كامل على القناة ديالها

صفحة الفيسبوك
https://www.facebook.com/MoroccanPOVpage
المصدر
https://youtu.be/nKFypHcnGu4