ალტინფო. ევროპარლამენტარი ფონ დერ ლაიენს: თქვენი ადგილი ციხეშია. 18. 07. 2024

altinfo

ალტინფო. დღის სიახლეები. 18. 07. 2024 (18:00)

დამატებით:
"თქვენ უნდა იყოთ ციხეში და არა ევროკომისიის ხელმძღვანელის პოსტზე" - პოლონელმა ევროპარლამენტარმა ფონ დერ ლაიენს ბრალდებები პირდაპირ წაუყენა.
18.07.2024

პოლონელმა ევროპარლამენტარმა ევა ზაიონჩკოვსკა-ჰენრიკმა, ევროკომისიის პრეზიდენტი ურსულა ფონ დერ ლაიენი მის მიერ წარმოებული პოლიტიკის გამო გააკრიტიკა და აღნიშნა, რომ მისი ადგილი არის ციხეში და არა ევროკომისიის ხელმძღვანელის პოსტზე.
"თქვენ ხართ ევროპული "მწვანე შეთანხმების“ სახე, რაც ანგრევს ევროპულ ეკონომიკასა და სოფლის მეურნეობას, რაც ევროპის ეკონომიკას უკან ხევს. თქვენ ხართ ევროპის კლიმატის "სიგიჟის" სახე, რის გამოც ევროპელები სულ უფრო და უფრო ღარიბდებიან. დაბოლოს, თქვენ ხართ ევროპის მიგრაციული პაქტის სახე და მე მოგმართავთ, როგორც ქალი ქალს, დედა დედას, როგორ არ გრცხვენიათ ასეთი მიგრაციული პაქტის მხარდაჭერის გამო, რის წყალობითაც ევროპაში მილიონობით ქალი და ბავშვი საკუთარი ქალაქების ქუჩებში საფრთხეშია. თქვენ ხართ პასუხისმგებელი თითოეულ გაუპატიურებაზე, მკვლელობაზე, ტრაგედიაზე, რომლის მიზეზი არალეგალი მიგრანტების შემოდინებაა. ზუსტად თქვენ ეპატიჟებით მათ ევროპაში. და იმის გამო, რასაც აკეთებთ, თქვენ უნდა იყოთ ციხეში და არა ევროკომისიის პრეზიდენტი," - თქვა მან.
ეს განცხადება ზაიონჩკოვსკა-ჰენრიკმა ფონ დერ ლაიენის ევროკომისიის პრეზიდენტად მეორე ვადით არჩევამდე რამდენიმე საათით ადრე გააკეთა. საბოლოოდ ევროპარლამენტმა ფონ დერ ლაიენის ევროკომისიის თავმჯდომარედ მეორე ვადით დამტკიცება შეძლო. მის კანდიდატურას 720 პარლამენტარიდან 401 დაუჭირა მხარი.
resonancedaily.com/index.php?id_rub=4&id_artc=209034

დასაკრავი სია: ალტინფო. სიუჟეტები