ლეონარდ ბერნსტაინი. მამბო. გუსტავო დუდამელი / Leonard Bernstein. Mambo. Gustavo Dudamel

5 months ago
8

მუსიკა ფილმიდან "ვესტსაიდური ამბავი" (West Side Story)
ვესტსაიდური ამბავი - მუსიკალურ-რომანტიკული დრამა. 1961
რეჟისორები: რობერტ ვაისი (Robert Wise), ჯერომ რობინსი (Jerome Robbins)
კომპოზიტორი ლეონარდ ბერნსტაინი (Leonard Bernstein)

ასრულებს სიმონ ბოლივარის სახ. ვენესუელის ახალგაზრდული სიმფონიური ორკესტრი (Simón Bolívar Youth Orchestra of Venezuela).
დირიჟორი გუსტავო დუდამელი (Gustavo Dudamel)
ვენესუელის მუსიკალურ-შემოქმედებითი ეროვნული ცენტრი
(Centro de Acción Social por la Música, Sala Simón Bolivar, Caracas, Venezuela)
2007 წლის საახალწლო კონცერტის ფრაგმენტი.

ფილმი "ვესტსაიდური ამბავი" მიუზიკლის ისტორიაში ჯილდოების ყველა დროის აბსოლუტური რეკორდსმენია. წარდგენილი იყო "ოსკარის" 11 ნომინაციაზე, საიდანაც აიღო 10. აღიარებულია ყველა დროის უდიდეს მუსიკალურ ფილმად. კონგრესის ბიბლიოთეკამ რეესტრში შეიტანა, როგორც ისტორიული, ლულტურული და ესთეტიკური მემკვიდრეობის ნიმუში. ინახება აშშ-ს ფილმების ეროვნულ რეესტრში.

1950-იან წლებში ბერნსტაინმა დაწერა ორი მუსიკა ბროდვეის სპექტაკლებისთვის. ერთ-ერთი მათგანი იყო "ვესტსაიდური ამბავი". მასთან ერთად პროექტის თანაავტორები იყვნენ ჯერომ რობინსი (Jerome Robbins), არტურ ლორანსი (Arthur Laurents) და სტეფან სონდჰეიმი (Stephen Sondheim). სპექტაკლის პრემიერა შედგა 1957 წელს.
"ვესტსაიდური ამბის" პარტიტურა ურთულესია ბერნსტაინის შემოქმედებაში. სპექტაკლის წარმატებამ ავტორს უბიძგა, მისი მუსიკა გამოეცა დამოუკიდებელი სიმფონიური ნაწარმოების - "სიმფონიური ცეკვების" სახით, სადაც მეოთხე ნომრად შევიდა საოცრად ამაღელვებელი მამბო.

ფრაგმენტი ფილმიდან ამ მუსიკით:
youtube.com/watch?v=YvHaHg0oR54

დასაკრავი სია: უცხოეთის კინომუსიკა.

Loading comments...