മീ ടൂ അന്വേഷിക്കാന്‍ ജുഡീഷ്യല്‍ സമിതി

മീ ടൂ ആരോപണങ്ങളില്‍ അന്വേഷണം നടത്താന്‍ കേന്ദ്ര വനിതാ ശിശുക്ഷേമ മന്ത്രാലയത്തിന്റെ തീരുമാനം

വെളിപ്പെടുത്തലുകളെ കുറിച്ച് അന്വേഷിക്കാന്‍ ജുഡീഷ്യല്‍ സമിതിയെ നിയോഗിക്കും. വിരമിച്ച നാല് ജഡ്ജിമാര്‍ക്കാണ് അന്വേഷണ ചുമതല. ഇതുസംബന്ധിച്ച്​ പൊതുജനാഭിപ്രായവും സമിതി സ്വരൂപിക്കുമെന്നാണ്​ സൂചന. മീ ടുവിൽ അന്വേഷണം നടത്തുമെന്ന്​ കേന്ദ്രമന്ത്രി മനേക ഗാന്ധിയാണ്​ അറിയിച്ചത്​.
ബോളിവുഡ്​ നടി തനുശ്രീ ദത്തയുടെ വെളിപ്പെടുത്തലാണ്​ ഇന്ത്യയിൽ മീ ടു വിവാദം വീണ്ടും ചൂടു പിടിപ്പിച്ചത്​. നടൻ നാനാ പടേക്കർക്കെതിരെയായിരുന്നു തനുശ്രീ ദത്തയുടെ ആരോപണം. ഇതിന്​ പിന്നാലെ കേന്ദ്രമന്ത്രി എം.ജെ അക്​ബർക്കെതിരെയും മീ ടു ആരോപണം ഉയർന്നു. കേരളത്തിൽ സിപിഐഎം എംഎൽഎ മുകേഷിനെതിരെയും ആരോപണം ഉയർന്നിട്ടുണ്ട്​.ബോളിവുഡിൽ മീ ടൂ ക്യാംപയിനിൽ നിരവധി താരങ്ങൾ കുടുങ്ങിയിട്ടുണ്ട് .സംവിധായകരായ സാജിദ് ഖാൻ, സുഭാഷ് ഗായ് എന്നിവര്‍ക്കും നിർമാതാവ് കരിം മൊറാനിക്കും എതിരെയാണ് പുതിയ ആരോപണങ്ങൾ. അതേസമയം, തനുശ്രീയുടെ പരാതിയിൽ നാനാ പടേക്കർക്കെതിരെയെടുത്ത കേസ് ദുർബലമാണെന്ന് പൊലീസ് വൃത്തങ്ങൾതന്നെ സൂചന നൽകി.