dmytrokarpenko . თავისუფალო ჩეჩნებო, სად არის თქვენი სინდისი და სიამაყე? 04. 07. 2024

Apostle Dmytro Karpenko
СV0Б0ДНЫЕ ЧЕЧЕНЦЫ? ГДЕ ВАША Г0РД0SТЬ? ГДЕ ВАША С0VЕСТЬ? ‪@dmytrokarpenko‬. 04. 07. 2024
youtube.com/watch?v=4QBlCWqaRW8
ავტორები - ჟურნალისტები:
დმიტრო კარპენკო (Дмитрий Карпенко)
ვოლოდიმირ ზოლკინი (Владимир Золкин)

პოსტი ამ ვიდეოზე ფბ-საიტიდან "იდეა":
IDEA იდეა
23. 07. 2024

რუს ტყვეებთან დმიტრო კარპენკოს და ვოლოდიმირ ზოლკინის მიერ ჩაწერილი ათასზე მეტი ვიდეო დევს უკვე და თითქმის ყველა მაქვს ნანახი. თუმცა მათ შორის არცერთს გამოუწვევია ჩემში ისეთი ორაზროვანი გრძნობები, როგორიც ამ ჩეჩენთან ჩაწერილმა ინტერვიუმ. პრინციპში, მე ერთადერთი არ ვარ ასეთი, რაც ვიდეოს ქვეშ უკრაინელების 99%-ის მიერ დაწერილ კომენტარებშიც ჩანს. ჩაწერილ ვიდეოებში იშვიათია შეგხვდეს ადეკვატური ადამიანი, ადეკვატური ნათესავებით და მდგომარეობის ადეკვატურად შეფასების უნარით.
ეს ვიდეო კიდევ ერთხელ გვაჩვენებს, თუ რა საზარელი მდგომარეობაა დღევანდელ ჩეჩნეთში. როგორ ჰყავს რუსის "ნამესტნიკს" ტყვეობაში ფაქტობრივად მთელი ერი - შიშის, ღირსების შელახვის, შანტაჟის, წამების, უუფლებობისა და ტერორის ბუდე. ვინც ჩახედილია ჩეჩნეთის რეალობაში ის ვერაფერს გაიგებს ახალს, ხოლო ვინც ზედაპირულად იცის, მისთვის მეტად საინტერესო იქნება.
მოკლედ, კარპენკო ინტერვიუს წერს ერთ-ერთ ჩეჩენ ტყვესთან, რომელსაც მაგომედი ჰქვია (გვარი არაა ნახსენები). ამ კაცის შვილს კადიროველები დაადგნენ სახლში და დაიბარეს სამხედრო კომისარიატში, რომ ხელი მოეწერა კონტრაქტზე და წასულიყო საომრად უკრაინაში. ბევრი თხოვნის შემდეგ ამ კაცმა მოახერხა და თავად მოაწერა კონტრაქტი იმ პირობით, რომ მის შვილს არ წაიყვანდნენ. ასე მოხვდა ის უკრაინაში. როგორც თავად ამბობს მან ერთი ტყვიის გასროლაც ვერ მოასწრო. ერთ-ერთ პირველ დავალებაზე ჩეჩნებისგან შემდგარი 12 კაციანი ჯგუფი ალყაში მოხვდა, ზოგმა მოახერხა გაქცევა, ზოგი დაიჭრა, ზოგი კი მოკლეს. ამ კაცის ჯგუფს უბრძანეს უკან დახევა, მაგრამ უკანა გზაზე ერთ-ერთი მისი ახალგაზრდა თანამებრძოლის წინ დრონი აფეთქდა, რის შედეგადაც მეომარმა კანტუზია მიიღო და ფეხები წაერთვა(დროებით). კარპენკოს თავად ამ კანტუზია მიღებულ მეომართანაც აქვს ჩაწერილი ინტერვიუ, სადაც ის ამბობს, რომ სთხოვა მაგომედს სხვების მსგავსად გაქცეულიყო და დაეტოვებინა ის მარტო, თუმცა სხვებისგან განსხვავებით მაგომედმა ის ვერ მიატოვა და ბოლომდე მასთან დარჩა. ამის შემდეგ უკრაინელებმა ისინი დაატყვევეს. საინტერესოა, რომ ეს 22 წლის ბიჭი ომში მხოლოდ იმის გამო მოხვდა, რომ ერთ-ერთ კადიროველს დედის შეურაცხყოფა არ აპატია და იჩხუბა. რის შემდეგაც მას ერთი თვის განმავლობაში სცემდნენ სარდაფში და დენით აწამებდნენ, ხოლო ბოლოს შესთავაზეს ან წამების გაგრძელება, ან კონტრაქტზე ხელის მოწერა და ომში წასვლა.
ინტერვიუში მაგომედი ჰყვება ჩეჩნეთში არსებული მდგომარეობის დეტალებს. რომ ვერავინ გრძნობს თავს დაცულად და უსაფრთხოდ თავად კადიროვის გარემოცვის გარდა. საზოგადოებაში სუფევს შიშისა და ტერორის შეგრძნება. შიშობენ არამხოლოდ საკუთარ თავზე, არამედ ოჯახის წევრებზე. თუ რამეს "აშავებ" რეჟიმის წარმომაგდენელის წინააღმდეგ, არამხოლოდ შენ, არამედ ხშირ შემთხვევაში შენი ოჯახის წევრებსაც სჯიან.
ინტერვიუს მიმდინარეობის დროს კარპენკო აძლევს მას უფლებას დაელაპარაკოს თავის ყოფილ მეუღლეს და შვილებს. ყოფილი ცოლის, შვილებისა და მაგომედის საუბარი საკმაოდ ემოციური გამოვიდა. ოჯახის წევრები ყველაფერზე თანახმა არიან და გამოთქვამენ ყველანაირ მზაობას მისი ტყვეობიდან გასათავისუფლებლად. და სწორედ აქ ვლინდება თუ რამდენად დიდი განსხვავებაა კავკასიელებისა და რუსების მენტალობასა და შინაგან ემოციურ სამყაროებს შორის. როდესაც რუსი ტყვეები ურეკავენ თავის ახლობლებს, 99% შემთხვევაში ვლინდება ცივი და უემოციო დამოკიდებულება საკუთარი დატყვევებული ოჯახის წევრის მიმართ. იგრძნობა რაღაც ღორული, მერკანტილური და მონური მენტალობა, რომელიც ფულადი კომპენსაციის, ან "ლადას" მიღების სურვილს იშვიათად სცდება.
მოკლედ აუცილებლად უყურეთ ამ ინტერვიუს.
ამ ინტერვიუს გამო ამ ჩეჩენს 100%-იანი წამება და სიკვდილი ელის თუ მას გაცვლიან და ის ჩეჩნეთში მოხვდება. დიდი ალბათობით არც მის ახლობლებს ელის კარგი დღე.
ეს არის ერთ-ერთი მიზეზი რატომაც გვართებს ქართველებს კიდევ ერთხელ დაფიქრება. ჩვენ აქ არ უნდა დავუშვათ რუსეთიზაცია და კადიროვის ჩეჩნეთი. უამრავი ნაკლის მიუხედავად გვახასიათებს უსამართლობისა და ტირანიის განსაკუთრებული ზიზღი. თუ ჩვენ დავთმობთ ჩვენს თავისუფლებას მივიღებთ სწორედ კადიროვის ჩეჩნეთს და ჩვენს შვილებსაც ასეთი მომავალი ელის.
ძნელია არ უთანაგრძნო მრავალჭირნახულ და დიდ უსამართლობაში მცხოვრებ თავისუფალ ჩეჩნებს. მათ, ვისაც ჩვენს წინააღმდეგ არ გაუბრძოლია. მათ, ვინც ქართველების მხარდამხარ იბრძვის უკრაინაში. მოვა დრო და ჩეჩნები აუცილებლად დააღწევენ თავს ტირანიას.

მეტრაჟი:
0:00 За кадром начало
4:12 Долго будете его терпеть?
5:55 Апостол платит деньги
9:45 Про первую Чеченскую
13:20 Переговоры произошли
17:05 Про мар0DерстV0
22:30 Что было дальше?
27:45 Zахvатили власть?
29:30 Вот вам модель
33:35 Откуда у него деньги?
36:35 Что ожидали? Что получили?
40:10 Что ты про это знаешь?
43:50 Негласный указ
48:10 Как попал?
50:50 Звоним бывшей жене
55:15 Чем закончится?
58:00 Звонок сыну
1:05:20 Что там с другом?
1:08:50 Обращения не будет
1:09:20 За кадром

დასაკრავი სია: პოლიტიკური მასალები სხვადასვა მედიიდან