Gremjufræðin snúast um að brjóta niður vestræn gildi

Eldur Smári Kristinsson, formaður Samtakanna 22, hefur verið kærður fyrir „hatur" gegn transfólki. Samtökin 78 er kærandi og fullyrða að Eldur Smári sem er samkynhneigður kalli alla trans barnaníðinga sem er ekki satt. Eldur Smári hefur aldrei sagt það um transfólk.

Stærsta synd Elds Smára er að fullyrða að aðeins séu til tvö kyn: karl og kona. Eldur Smári segir einnig að einungis konur geti fætt börn. Þessar fullyrðingar Elds Smára ættu flestir Íslendingar að geta tekið undir. Þetta eru gömul sannindi og ný sem stangast á við hina nýju kynsegin hugmyndafræði sem fullyrðir að karlmaður sé ekki karlkyns og kona ekki kvenkyns. Huglæg ósk og yfirlýsing um kyn er æðri líffræðilegum raunveruleika sem á að loka ofan í skúffu gleymskunnar ásamt tungumáli og aldagömlu siðferði.

Hlutirnir hafa gengið svo langt að einstaka líffræðilegir karlmenn eru farnir að borða lyf og hormóna til að geta haft ungabörn á brjósti. Slíkt blæti telur Eldur Smári að flokka ber undir barnaníð. Það er engan vegin það sama og Eldur Smári er kærður fyrir: að kalla transfólk barnaníðinga. Að auki eru miklar umræður um innihald þessa geirvörtusulls sem vesalings hvítvoðungarnir neyðast til að innbyrða. Eitt er ljóst, það er engin venjuleg „móðurmjólk."

Eldur Smári segir Samtökin 78 ekki lengur fær um að gegna hlutverki sínu að tryggja mannréttindi samkynhneigðra og hafi í raun breyst í kreddufullan sértrúarsöfnuð.

Eldur Smári Kristinsson er formaður Samtakanna 22 sem eru samtök samkynhneigðra sem starfa á öðrum hugmyndafræðilegum grunni en Samtökin 78. Samtökin 22 verja málfrelsið og mannréttindi hvers og eins.

Það er nýtt á Íslandi að fara að dæma fólk fyrir hatursumræðu hingað og þangað. Er það ekki bara verkfæri fyrir valdhafa til að þagga niður í þeim sem eru óþægilegir og spyrja „vitlausra" spurninga?

.