መላዕክት

መላዕክት ማለት ምን ማለት ነው?

ቅዱሳን መላእክት
ቅዱሳን መላእክት ከተፈጠሩባት ከመጀመሪያዋ እለተ እሁድ አንስቶ እስከ ዛሬ ወደ ፊት ለዘለዓለም እግዚአብሔርን በቅድስና የሚያገለግሉ ተፈጥሯቸው የተቀደሰ ሕይወታቸውም በንጽሕና የተሞላ ነው፡፡
ቅዱሳን መላእክት በመንፈሳዊ ዓለም እየኖሩ በሰማይና በምድር በእግዚአብሔርና በሰው ፊት የቅድስናን መንፈሳዊ ሥራ የሚሰሩ ረቂቅ ፍጡራን ናቸው፡፡

መላእክት ማለት ምን ማለት ነው?

መልአክ የሚለው ቃል
<<ለአከ>> ከሚለው የግዕዝ ቃል የተገኘ ሲሆን
<<ለአከ>> ማለት ላከ ወይም ሰደደ
ማለት ነው።

መልአክ የሚለው ቃል
<<በቁሙ የእግዜር መልዕክተኛ
ሰማያዊ፣ረቂቅ፣የእሁድ ፍጥረት>> የሚል ትርጉምን ይሰጠናል።

አንድም
መልአክ የሚለው ቃል<< አለቃ፣ሹም፣አበጋዝ፣ተሹሞ ከንጉስ
የተላከን>>ያመላክታል።

መላእክት የቃሉ ትርጉም
መላእክት የሚለው ቃል በ3 መንገድ ሊተረጐም ይችላል፡፡
1 መላእክት
<<መላዕክት>> ማለት
መልእክተኞች፣ ተላላኪዎች ማለት ነው፡፡
ይህን ተግባር የሚፈፅሙት ቅዱሳን ሰማያውያን መላእክት ናቸው፡፡ የእርቅ፣የሰላም፣የበረከት መልእክተኞች ናቸውና፡፡

2 መላእክት
<<መላእክት>> ማለት አለቆች፣ገዢዎች ማለት ነው፡፡
ይህ ደግሞ በሥልጣን መንበር ላይ ላሉ ሰዎችና ለቤተክርስቲያን አስተዳዳሪዎች አለቆች የሚሰጥ ስያሜ ነው፡፡
ራዕይ ዮሐ፦1፥20
<<በቀኝ እጄ ያየሃቸው የሰባቱ ከዋክብትና የሰባቱ የወርቅ መቅረዞች ምስጢር ይህ ነው፡፡ ሰባቱ ከዋክብት የሰባቱ አብያተ ክርስቲያናት መላእክት ናቸው፣ ሰባቱም መቅረዞች ሰባቱ አብያተ ክርስቲያናት ናቸው>> እንዲል፡፡
መልአከ አርያም፣መልአከ ሰላም፣መልአከ ገነት እንደሚባለው አጠራር ነው።

3 መላእክት
<<መላእክት>> ማለት ከክብር ይልቅ ኃሣርን መርጠው የተዋረዱትን ርኩሳን መናፍስት አጋንንትን መላእክት ይላቸዋል፡፡
ማቴ 25 41
<<እናንተ ርጉማን ለሰይጣንና ለመላእክተኞቹ ወደተዘጋጀ ወደዘለዓለም እሳት ከእኔ ሄዱ>> እንዲል፡፡

መላእክት የሚለው ቃል ሲተነተን
መ
መገብት(መጋብያን)የሚመግቡ
ከመላእክት አገልግሎትና ተልእኮ መካከል የሰውን ልጅ ለቁመተ ስጋ የሚሆን ምግብን መመገብ አንዱ ነው፡፡ይህም በመጽሐፍ ቅዱስ ክፍሎች ተጽፎ እናገኘዋለን፡፡
መጽ.ነገ. ቀዳ፦19፥2-8
ዘጸ 16፥35
መዝ፦77፥24
ቅዱሳን መላዕክት በሰው ላይ ያለውን
ችግር ተረድተው የጎደለውን ያሟላሉ።
መጋቢያ ምስጢር
የእግዚአብሔር ፀጋ የሚመግቡና የሚመክሩ ናቸው።
የእግዚአብሔርን ሕግ የሚሽሩትን
የሚያፈልሱትን ይገስፃሉ፣ይመክራሉ
ያስተምራሉ፣ሕገ እግዚአብሔርን
የሚጠብቁትን ይጠብቃሉ።
ዘፀ፦23፥20
ዘካ፦1፥9
የሐዋ.ሥራ፦27፥23-25
መላእክት ከምግበ ስጋ ባሻገር ምግበ ነፍስ የሆነውንም ጽድቅ ይመግቡናል (ያስተምሩናል) ፡፡
ራዕይ.ዮሐ፦18፥10
ዳን፦10፥21      

ላ
ላዕላውያን
መላእክት ሰማያውያን እንደሆኑ የሚያስረዳ ቃል ነው።
ላዕላውያን የሚለው ቃል ሰማያውያን ከሚለው ፍቺው በተጨማሪ በክብር ከፍ ያሉ ልዑላነ ክብር  የሚል ፍቺ ይኖረዋል፡፡ይህም ፍቺ በበለጠ ክቡራን ከሚለው ቃል ፍቺ ጋር የሚወራረስ ነው። 
ማቴ፦24፥36
ማቴ፦22፥30 
መላእክት ንፁሀን፣ክቡራን
የእግዚአብሔር አገልጋዮች ስለሆኑ
ከሰዎች በላይ ሆነው ያገለግላሉ
ልመናችንንና  ጸሎታችንን ወደ እግዚአብሔር  ስለሚያደርሱ አማላጆቻችን ናቸው።
ሐዋ.ሥራ፦10፥4
ሉቃ፦15፥10
ጦቢ፦12፥15

እ
እቁባነ ምሕረት
የቃሉ ፍቺ በምሕረት የሚጠብቁ የሚል ሲሆን መላእክት ዑቃቤ (ጠባቂ) በመባል ይታወቃሉ፡፡
የመላእክት አገልግሎት ሰውን መጠበቅ ከመከራ ከችግር ማዳን ነው።
ዕብ፦1፥14
ቅዱሳን መላዕክት አምላካችን ልዑል እግዚአብሔር ለሰዎች በሚያደርገው
ምህረትና ቸርነት ይደሰታሉ።ስለሆነም
ምሕረትና ቸርነትን ለሰዎች በፍጥነት ይደርሳሉ።

ክ
ክቡራን
መላእክት ክቡራን ይባላሉ፡፡
ቅዱሳን መላዕክት በአእምሮአቸው ተዕቢት
የሌለባቸው ትሑታንና ቅዱሳን ናቸው እንጂ።
ራዕይ.ዮሐ፦18፥1
ዘፀ፦22 የበለዓም ታሪክ
ቅዱሳን መላዕክት በአእምሮአቸው ትዕቢት
የለባቸውም ትሑታንና ቅዱሳን ናቸው እንጂ።
ዘሌ፦11፥44
ዘሌ፦19፥2
1ኛ ጴጥ፦1፥15-16
ዘፍ፦19፥1

ት
ትጉሃን
መላዕክት ደከመን ሰለቸን የማይሉ፣
ዘወትር ያለማቋረጥ ሀያ አራት ሠዓት ሙሉ <<ቅዱስ ቅዱስ ቅዱስ>> እያሉ እግዚአብሔርን ያመሰግናሉ
ኢሳ፦6
<<እስመ እረፍቶሙ አኮቴቶሙ እስመ አኮቴቶሙ እረፍቶሙ>>
<<እረፍታቸው ምስጋናቸው ምስጋናቸው እረፍታቸው>>እንዲል፡፡
ከዚህ የተነሳ ትጉሃን ይባላሉ፡፡

ከትጉሃን በተጨማሪ ትሁታን ተብሎ ይፈታል
ይሁ፦1፣6