Црна се чума зададе | Crna se cuma zadade | Јанко Узунов | Janko Uzunov | Гоце Делчев | Македонски Песни | Makedonski Pesni | Macedonian Songs

Црна се чума зададе
там' долу в' Македонија,
там' долу в' Демир Капија.
Кој ќе се јунак избере
чумата да изгони
од жална Македонија?

Избрал се, ми се изнашол
млад Гоце Делчев војвода,
чумата да ја пропади.
С' негова верна дружина
тој ојде в' Македонија,
там долу Демир Капија.

Гоце на дружба говори:
Дружино верна зговорна,
кога ќе вие врвите
низ моја града Кукуша,
мајка ми ќе ве запраша:
„каде е Гоце војвода“?
Вие ќе ѝ нејзе кажете:
„Гоце се, мајко, ожени
за мајка Македонија“.