Apollo 13 mission

اپولو 13 ناسا کا ایک مشہور خلائی مشن تھا جو 11 اپریل 1970 کو چاند پر جانے کے لیے روانہ ہوا۔ یہ اپولو پروگرام کا ساتواں انسان بردار مشن تھا اور اس کا مقصد چاند پر لینڈنگ کرنا تھا۔ تاہم، مشن ایک بڑے حادثے کی وجہ سے ناکام ہوا اور چاند پر اترنے کے بجائے یہ ایک ریسکیو مشن بن گیا۔

جب اپولو 13 خلائی جہاز خلا میں سفر کر رہا تھا، لانچ کے تقریباً 56 گھنٹے بعد، آکسیجن کے ٹینک میں ایک زبردست دھماکہ ہوا۔ اس دھماکے سے جہاز کا بہت سا سامان خراب ہو گیا، اور عملے کو شدید مشکلات کا سامنا کرنا پڑا۔ آکسیجن، پانی، اور بجلی کی فراہمی متاثر ہونے کی وجہ سے صورتحال بہت سنگین ہوگئی تھی۔

خلانورد جیمز لوول، جان سوارٹ اور فریڈ ہیز، جو مشن پر تھے، کو زمین پر واپسی کے لیے انتہائی غیر معمولی طریقے اپنانے پڑے۔ انہوں نے قمری ماڈیول (چاند گاڑی) کو ایک "زندگی بچانے والی کشتی" کے طور پر استعمال کیا، کیونکہ اس میں چاند پر اترنے کے لیے درکار وسائل تھے۔ زمینی عملے کی مدد اور عملے کے دماغی سکون کی بدولت وہ بالآخر زمین کی طرف واپس لوٹنے میں کامیاب ہو گئے۔

اپولو 13 کا مشن اپنی اصل مقصد میں ناکام رہا لیکن اس نے انسانی وسائل اور مشکل حالات میں پُرسکون رہنے کی غیر معمولی مثال قائم کی۔ اپولو 13 کا نعرہ بن چکا ہے: "ناکامی کوئی آپشن نہیں” ارباب محمد فاروق جان