SHACABKA WAQOOYIGA GALGADUUD OO LA WAREEGAY HUBKII UGU BADNAA ABIDAN

Shacabka deegaanka Waqooyiga Galgaduud oo iskaashanaya ayaa galabta la wareegay laba gaadhi oo buuxa oo siday shixnado noocyo badan oo hubka ah, gaar ahaan noocyada qoryaha ISNAYBARKA (Spiner guns) DShK, BKM, AK iyo bastooladaha Baljimka ee 15 qaada ah.

Warka oo faahfaahsan iyo tirada hubka lala wareegay si aan u helno waxaan la xidhiidhnay wariyaha Daljir ee Caabudwaaq Ayaanle Cabdulaahi oo waraystay goobjooge kamid ah raggii hubka la wareegay.

Goobjoogaha ayaa sheegay in hubka loo waday Liibaan Shuluq, laguna rabay in lagu afgambiyo Qoorqoor, dabadeedna dadka deegaanka Galgaduud iyo Mudug la dhexdhigo colaad gamuurta oo aan dhammaan.