P. Wernz-Vidal S.I. Ius Canonicum, Tom. VI, n. 398: Vis et ambitus schismatis #ProLateranus #EDU

P. Wernz-Vidal S.I. Ius Canonicum, Tom. VI, n. 398: Vis et ambitus schismatis #ProLateranus #EDU

http://zazzle.com/ProVaticanus

Vis et ambitus schismatis. Ad constituendum delictum puri schismatis requiritur: Primus. ut quis aut directe sive expresse aut indirecte sive factis concludentibus ab obedientia Romani Pontificis recedat et a communione ecclesiastica ceterorum fidelium sese separet, licet separatae sectae schismaticae sese non adiungat;-- Secundus. ut recessus coniunctus sit cum pertinacia sive rebellione;-- Tertius. ut recessus fiat, quoad illa, quibus unitas Ecclesiae constituitur; -- Quartus. ut non obstante formali inobedientia et denegatione subordinationis schismaticus agnoscat illum Romanum Pontificem verum esse pastorem universalis Ecclesiae et ex doctrina fidei ipsi obedientiam esse praestandam: quodsi id ipsum negat, schismati admiscetur haeresis.

Quare delictum schismatis sensu stricto non committitur ab eo, qui a suo Episcopo et a communione fidelium suae dioecesis recedit, sed Romano Pontifici subesse et cum reliquis Ecclesiae universalis fidelibus communicare non renuit. Neque simplici transgressione legis pontificiae quis constituitur schismaticus; secus etiam omnes violatores universalium legum ecclesiasticarum schismatici existerent; id quod plane absonum est. Denique schismaticis adnumerari nequeunt, qui Romano Pontifici obedire recusant, quod personam ipsius habeant suspectam vel propter sparsos rumores dubie electam, ut accidit post electionem Urbani Sexti vel eidem resistant ut principi civili, non tamquam Ecclesiae pastori.

Ius Canonicum Auctore P. Francisco Xav. Wernz S.I. ad Codicis Normam Exactum Opera P. Petri Vidal S.I. Tomus VII: Ius Poenale Ecclesiasticum (Romae: Apud Aedes Universitatis Gregorianae, 1937), Caput XXIX, n. 398, pp. 439.

Cf. https://archive.org/details/IusCanonicumWernzSJVidalSJ/7%20%28Ius%20Poenale%20Ecclesiasticum%29-%20Ius%20Canonicum-%20Wernz%20SJ%2C%20Vidal%20SJ/page/n223/mode/2up?view=theater

http://x.com/ProVaticanus

http://x.com/ProLateranvs

http://patreon.com/ProVaticanus

http://patreon.com/ProLateranvs

http://zazzle.com/ProLateranus

http://ProVaticanus.blogspot.com

https://youtu.be/h3IGI3ApYe8