ჩაკრულო (ხიდისთავს შევკრათ პირობა) / ვანო მჭედლიშვილი

ჩაკრულო - ქართული (ქართლ-კახური) კლასიკური, საგუნდო, პოლიფონიური, სუფრული სიმღერა. ბურდონული მრავალხმიანობის (სამხმიანობის) ერთ-ერთი კლასიკური ნიმუში.

ასრულებს საქართველოს სიმღერისა და ცეკვის სახელმწიფო ანსამბლი (დღევანდელი "ერისიონი").
ხელმძღვანელი - შალვა მშველიძე.
სოლისტები - ვანო მჭედლიშვილი, შოთა გვალია.
ჩანაწერის ზუსტი თარიღი უცნობია. ვანო მჭედლიშვილი 1940 წელს გადავიდა სახელმწიფო ანსამბლში. ჩანაწერის დროც ამ თარიღიდან იძებნება.

"ჩაკრულოს" კოსმოსში გასვლის ისტორიები ამავე არხზე:
rumble.com/v55iap8-constanta-tv.-.-2011.html
rumble.com/v55idkc--.-.-.-29.-01.-2023..html

ტექსტი:
ხიდისთავს შევკრათ პირობა,
ჩვენ გავხდეთ ღვიძლი ძმანია,
ჩავუხტეთ მუხრან ბატონსა,
თავს დავანგრიოთ ბანია.
მუხრან ბატონის ყმობითა,
ფქვილი ვერ დავდგი გოდრითა,
დეკეული ვერ გავზარდე,
კალო ვერ ვლეწე მოზვრითა.

ხმალო ხევსურეთს ნაჭედო,
თელავში თუშმა გაგფერა,
მეფე ერეკლემ გაკურთხა,
საომრად ჯვარი დაგწერა.
მტერო, დამჩაგრე, არ ვსტირი,
ტირილი დიაცთ წესია,
ბევრჯერ ვყოფილვარ ამ დღეში,
მაგრამ არ დამიკვნესია.
მაცადე ერთი, ავლესო
ხმალ-ჩახმახ ცეცხლის მკვესია,
სულ წმინდად მოგამკევინო,
რაც ჩემთვის დაგითესია.

დასაკრავი სიები:
ჩაკრულო - კოსმოსში გასული ქართული გენია
ქართული ხალხური სიმღერა