Taliyaha ciidanka booliska Puntland sarreeyo guuto Muumin Cabdi Shire

Taliyaha ciidanka booliska Puntland sarreeyo guuto Muumin Cabdi Shire oo ka warramay dhacdadii weerar ee saldhigga dhexe ee Bossaso.

Taliyaha ciidamada booliska Puntland sarreeyo guuto Muumin Cabdi Shire ayaa shir saxaafadeed uu qabtay ku faahfaahiyey dhacdadii weerar ee duhurnimadii maanta ka dhacday magaalada Bossaso.

Taliyaha ayaa sheegay in weerarkaasi ay geysteen ciidamada gaarka ah ee PSF, halkaasna ay ku dhaawacmeen labo askari oo ciidan booliska ah, iyo qof shacab ah.

Taliyuhu wuxuu sheegay in ay ciidamada PSF kala kulmaan caqabado wax u dhimaya ammaanka iyo is hortaagid hawleed.