بعجينة وحدة فطائر بحشوة الاجبان للتفريز

بعجينة وحدة فطائر بحشوة الاجبان للتفريز التفاصيل👇🏻 كتبت مقادير لعجينة كبيرة وعجينة صغيرة وترهم لجميع انواع المعجنات والطريقة نفس الخطوات مقادير عجينة كبيرة👇🏻 كيلوين طحين متعدد الاستعمالات ملعقتين اكل خميرة ربع كوب سكر او ٣ ملاعق اكل ملعقة كبيرة ملح بيضتين عادي بدونه بس تنطي قوام حلو للعجينه نصف كوب لبن زبادي بدرجة حرارة المطبخ ٣ ملاعق حليب بودر (او ممكن بدل الماء حليب سائل) ماء دافي بالتدريج نضيف ونخلط نصف كوب زبدة او زيت زيتون( ١٠٠ غم) نخلط جميع المواد عدا الماء والزبدة نضيف الماء بالتدريج ومن تنكون عجينه متمايكة قوامها حلو لا لين ولاقوي نضيف الزبدة ونعجنها لمدة ١٠ دقايق على سرعة متوسطة ونغطيها ونعوفها تتخمر نص ساعه او من نشرفها ترتفع نبدي نشتغل بيها —————————— مقادير عجينة صغيرة ٣ كوب طحين ملعقتين سكر نصف ملعقة ملح كيس واحد خميرة بيضة او ملعقتين لبن زبادي دافي كوب الا ربع حليب دافي او بالتدريج ممكن اكثر او اقل بشوية ربع كوب زبدة او زيت زيتون ————————— الحشوة/ممكن تختارون اي حشوة تعجبكم رح اكتبلكم طريقتي 👇🏻 جبن عرب او عكاوي او اي جبت تحبو اخلط ويا جبن موزريلا وجبن كريمي مربعات او مثلثات ضروري تنطي طراوة للحشوة كرفس او معدنوس او اي اعشاب خضرة تحبوها بصل اخضر او عادي وفلفل اخضر بس لاتكثرون اني خليت نص بصله ونص فلفلايه زعتر مجفف اي نوع حبة بركة اذا تحبوها اختياري اعشاب مجففة من الباديه هاي هم اختياري ممكن استبدالها بملعقة صغيرة ببصل وثوم باودر للتشكيل استعملت رشة طحين عالخفيف وممكن منحتاجها دهنت الفطائر ببيض مخفوق بدون اضافات تجهيز الفرن /على اعلى حرارة متوفرة يفضل فوق وتحت ومروحة اذا توفرت واذا لا شغلو الجوة اول من تاخذ لون ذهبي فتحو الفوق هم تتحمر انتظرها تبرد واخزنها باكياس التفريز طريقة التسخين بالفرن او القلايه الهوائية ترجع الفطائر جديدة تخبل والف عافيه❤️ #عجينة #عجينة_العشر_دقايق #فطاير_مشكله #فطاير #جبنة #اجبان #حشوة #حشوات #ريلز #أكسبلور