بيتيفور باسهل طريقة والنتيجة ذوبانيه 🤤

بيتيفور باسهل طريقة والنتيجة ذوبانيه 🤤 المقادير بالكوب والغرام واقرو الملاحظات الجوة لاتغلسون حتى تضبط من اول تجربه👇🏻 فقط اربع مكونات كوب زبدة بدرجة حرارة المطبخ( ٢٢٥ غم) نص كوب سكر باودر(٦٥غم) صفارين بيض(ممكن بيضة كاملة بس الصفار يخليها ناعمه وحريريه ) فانيلا واذا حبيتو بعد نكهات عادي مثل برتقال او كرميل الخ… كوبين طحين منخولة مع رشة ملح (٢٥٠ غم) واذا بالشوكولا نقصو ربع كوب من الطحين وخلو بداله كاكاو باودر خام نخلط الزبدة(لينه فقط موذايبه)مع السكر خلط زين لحد ماتصير مثل الكريمة عادي بيدكم او عجانه مو مشكلة نضيف الصفار وهم نمزجة مع الزبد والسكر اخر شي نضيف الطحين ونخلط بيدنه فقط خلط ممنوع العجن بس تمتزج المكونات توقفون النتيجة عجينه لينه شوية تلزك بس مو مزعجة وسهلة التحكم استعملو اي فورمة عدكم بكيس حلواني وشكلوها الافضل صواني بدون ورق زبدة لان التشكيل يصير اسهل الفرن محمى مسبقا على ١٨٠ فوق وجوة لمدة ١٠ دقايق او من توصل للون اللي تحبو طلعوها وهو الافضل تاخذ لون خفيف فقط التزين والحشوات هاي لعبتكم انتو اللي تحبو استعملو مربى او شوكولا وزينوها بالمكسرات وبسس😊 اهم ملاحظة اذا ماعدكم ميزان واستعملتو الكوب لاتضيفون كل مقدار الطحين بقو ربع كوب بالاخير ضيفو بالتدريج لا تخلون العجينه تصير متماسكة خلوها لينه حتى تطلع من الفورمة بسهوله وماتتعبكم .والملاحظة الثانيه لمن تضيفون الطحين ضروري بيدكم بس تقليب لاتستخدمون عجانة لان اذا تفعل غلوتين الطحين مراح تطلعلكم من الفورمة . . . . . . #بتيفور #معجناتي #حلويات #بسكويت #بسكويت_العيد #أكسبلور #إكسبلور #ريلز_explor #رمضان #عيد_الاضحى