P. Vergilius Maro, Aeneid II, 49: timeo Danaos et dona ferentis. #Laocoön #Aeneid #EDU #Latina

P. Vergilius Maro, Aeneid II, 49: timeo Danaos et dona ferentis. #Laocoön #Aeneid #EDU #Latina

http://zazzle.com/ProVaticanus

cf. https://youtu.be/v_562j8tBvc

P. Vergilius Maro, Aeneid II, 49; 201-227.

timeo Danaos et dona ferentis (Φοβοῦ τοὺς Δαναοὺς καὶ δῶρα φέροντας)…

Laocoön, ductus Neptuno sorte sacerdos,
sollemnis taurum ingentem mactabat ad aras.
Ecce autem gemini a Tenedo tranquilla per alta—
horresco referens—immensis orbibus angues
205 incumbunt pelago, pariterque ad litora tendunt;
pectora quorum inter fluctus arrecta iubaeque
sanguineae superant undas; pars cetera pontum
pone legit, sinuatque immensa volumine terga.
Fit sonitus spumante salo; iamque arva tenebant,
210 ardentisque oculos suffecti sanguine et igni,
sibila lambebant linguis vibrantibus ora.
Diffugimus visu exsangues: illi agmine certo
Laocoönta petunt; et primum parva duorum
corpora natorum serpens amplexus uterque
215 implicat, et miseros morsu depascitur artus;
post ipsum auxilio subeuntem ac tela ferentem
corripiunt, spirisque ligant ingentibus; et iam
bis medium amplexi, bis collo squamea circum
terga dati, superant capite et cervicibus altis.
220 Ille simul manibus tendit divellere nodos,
perfusus sanie vittas atroque veneno,
clamores simul horrendos ad sidera tollit:
quales mugitus, fugit cum saucius aram
taurus, et incertam excussit cervice securim.
225 At gemini lapsu delubra ad summa dracones
effugiunt saevaeque petunt Tritonidis arcem,
sub pedibusque deae clipeique sub orbe teguntur.

http://x.com/ProVaticanus
http://x.com/ProLateranus
http://patreon.com/ProVaticanus
http://patreon.com/ProLateranvs
http://zazzle.com/ProLateranus

https://youtube.com/shorts/BckB3WstBWI
https://youtu.be/BckB3WstBWI
https://youtube.com/shorts/jAloV7s9r84?feature=share
https://youtu.be/jAloV7s9r84