AL-KHAMENEI Documentary 1st Episode الخامنه ای دستاویزی فلم پہلی قسط

AL-KHAMENEI Documentary 1st Episode

الخامنه ای دستاویزی فلم پہلی قسط

تاریخ کی زبانی ایک نئی تاریخ حضرت آیت الله العظمی سید علی خامنه ای مدظلہ العالی کی زندگی کے 50 سالوں سے متعلق آٹھ قسطوں پر مشتمل تفصیلی دستاویزی فلم جسے تین سال کی تحقیق و کوشش کے بعد حزب الله کے المنار ٹی وی نے نشر کیا اور اردو زبان میں البلاغ پاکستان نے تیار کیا ہے۔ یہ دستاویزی فلم جدو جہد سے بھر پور ایک انسان کی مصروف زندگی سے متعلق ہے جس نے ایسے ادوار کی بنیاد رکھی اور اس کی قیادت کہ جو تاریخ میں ہمیشہ کے لیے ثبت ہو گی ، یہ ایک عظیم رہنما اور ایک غیر معمولی شخصیت کی زندگی پر مبنی فلم ہے۔ آیت الله العظمى امام سید علی خامنہ ای کی شخصیت جنہوں نے بے شمار قربانیاں دیں اور اسلام و ملت کی خاطر اپنی جان کو بار بار خطرے میں ڈالا جسکی وجہ سے اسلام و ایرانی ملت کے لیے ہر موڑ پر شان و شوکت نصیب ہوئی اور ایک فتح کے بعد دوسری فتح کی طرف سفر جاری ہے... اسلام و ملت ایران کی عظمت و فتوحات کایہ وہ سلسلہ ہے جس کی بنیاد عظیم امام خمینی نے رکھی تھی ایک ایسی تاریخ کے لیے جو آج فتوحات اور دباؤ اور چیلنجوں کو توڑتی جاری ہے اور اسلام و مسلمین کا دشمن عالمی استکبار اب اپنی عنقریب نابودی کو ناصرف محسوس کر رہا ہے بلکہ بچشم خود مشاہدہ کر رہا ہے۔

یہ ایک ایسی دستاویزی فلم ہے جو امام خامنہ ای کی با عظمت و با برکت زندگی کے ایک بڑے حصے کو بیان کرنے والی پہلی دستاویزی فلم ہے، المنار ٹی وی نے آیت الله العظمى امام سید علی خامنہ ای کی 1939 میں پیدائش سے لے کر 1989 میں قیادت سنبھالنے تک کی زندگی کے بارے میں 8 قسطوں کا ایک سلسلہ پیش کیا ہے۔المنار ٹی وی کی تیار کرده دستاویزی فلم "الخامنه ای " جسے اردو زبان میں البلاغ پاکستان نے تیار کیا ہے

اور مو ٹو امام اپنے ناظرین کو یہ فلم پیش کرنے کی سادات حاصل کرنے جا رہا ہے۔
ایک عظیم اور طویل کوشش کا نتیجہ ہے جس میں امام خامنہ ای کی پچاس سالہ زندگی کے کامیابی کے رازوں سے پردہ اٹھایا گیا ہے، جس میں آپ کی 50 سالہ زندگی کی خصوصیات بشمول بچپن جوانی ، جدوجہد، حصول علم کے مراحل ، نشیب و فراز آپ کے خلاف کی جانے والی سازشیں اور حملوں سے متعلق معلومات شامل ہیں جو ہمیں عبرت حاصل کرنے اور افتخار کرنے کا درس دیتی ہیں۔ اس دستاویزی فلم سے متعلق یہ دعوی کرنا سو فیصد غلط ہوگا کہ یہ امام خامنہ ای کی زندگی کے تمام پہلووں اور واقعات پر مشتمل ہے ، اس دستاویزی فلم میں امام خامنه ای کی نورانی و بابرکت زندگی کے مراحل کی کچھ کرنیں کو ہی ہم آپ کے لئے نمایاں کرسکیں ہیں جبکہ یہ آفتاب وہ شخصیت ہے کہ جسکی نورانیت کی کرنوں کو بیان کرنا تو دور کی بات شمار کرنا بھی مشکل ہے ۔