Miqësore para Europianit, kundërshtar i fortë për Shqipërinë

Trajneri i Shqipërisë, Silvinjo, u ka vënë kriter zyrtarëve të Federatës, që të gjejnë një kundërshtar të fortë për miqësore, para Europianit.
Rivalët do të përcaktohen sigurisht menjëherë pas shortit të finaleve të Europianit, por tekniku brazilian ka synimin që përballë të ketë skuadra sa më të forta dhe mundësisht kombëtare europiane.
Shqipëria bën pjesë në vazon e dytë dhe kundërshtarët e saj do të jenë nga 3 vazot e tjera. Do të jenë rivalë të fortë dhe për këtë arsye, Silvinjo ka kërkuar kundërshtarë të nivelit të lartë edhe për ndeshjet e marsit.
Kujtojmë se shorti për grupet e Europianit, do të hidhet të shtunën e 2 dhjetorit, aty ku Shqipëria do të mësojë 3 rivalët e tjerë për në Gjermani.