Orges Shehi merr drejtimin e Vllaznisë? Trajneri: Po flas me Tefik Osmanin...

Orges Shehi, është papunë pas largimit nga drejtimi i Tiranës. I ftuar në emisionin “Skaner”, Shehi deklaroi se e ka çuar në Dhomën e Zgjidhjes së Konflikteve, çështjen me Tiranën.
Klubi bardheblu, i komunikoi largimin Shehit, ndërsa në njoftim thuhet se është pezulluar dhe nuk mund të firmosë me asnjë klub tjetër.
Për këtë arsye, tekniku durrsak, ka dërguar çështjen në Federatën e Futbollit dhe kërkon të dalë trajner i lirë.
Shehi pranoi se ka pasur kontakte me disa klube të mëdha, ndërsa mendohet se një ndër to është edhe Vllaznia.
I pyetur në emision, nëse ka kontakte me Tefik Osmanin, Shehi tha e tani që ka kaluar drejtor te Vllaznia, ka folur më shumë, sesa në kohën kur ishte te Tirana.
Ky ndoshta është një sinjal, se Shehin në një të ardhme të afërt mund të shohim në stolin e shkodranëve, pasi me Qatip Osmanin, kuqeblutë po kalojnë vështirësi të mëdha.