I lost you, my light - Magzhan Zhumabaev | Айрылдым сенен жан сәулем

Айрылдым сенен жан сәулем - Мағжан Жұмабаев

(Гетеден)
Айрылдым сенен, жан сәулем,
Көруге енді жоқ үміт.
Бірақ соңғы сөздерің
Кетпейді естен боп ұмыт.
Жапанда жалғыз жолаушы,
Аспанда торғай жырласа,
Көзі көкте, тілегі -
Көріп жақын, тыңдаса...
Мен де сондай қапамын,
Тоғайға, қырға қараймын.
Қайғымен жалғыз күңіреніп,
«Жан-жарым!»- деп жылаймын.

#esenmediakz #esenmedia #есенмедиакз #есенмедиа