P42-M smuggled rice sa Zamboanga, kinumpiska ng BOC

Kinumpiska ng Bureau of Customs ang mahigit apatnapu't dalawang libong sako ng bigas sa Zamboanga City.

Ang pagkakakumpiska ay nag-ugat sa pagkabigo ng may-ari na maipakita ang sapat na importation documents.

Nagkakahalaga ito ayon sa BOC ng 42 million pesos.

Buwan ng Mayo ngayong taon nang isinagawa ang inspeksyon sa tinutukoy na warehouse sa Brgy. San Jose Gusu, Zamboanga City.

Nakapag-presenta naman ang may-ari ng dokumento sa naturang inspeksyon subalit doon na sa verification nasabit ang warehouse.

Sinabi ng BOC na hindi magkatugma ang aktwal na bilang ng bigas sa nasa dokumento.

September 1 na ng naglabas ng Order of Forfeiture ang customs port ng Zamboanga kaugnay sa apatnapu't dalawang libong sako ng bigas.

#smninewsblast #newsblast #smni #smninews