Urdu Poetry Salaam By Jon Elia اردو شاعری سلام جون ایلیاء

سلام

پشت رسول پاک پر جلوہ نما امام دو
مرکب خوش خرام ایک راکب لالہ فام دو

نور جبین مصطفیٰ ظلمت گیسوئے دوتا
جلوہ گاہ حرم میں آج صبح ہے ایک شام دو

غار حرائے احمدی خم غدیری حیدری
مقصد فیض عام ایک منظر فیض عام دو

طور و جمال کبریاء دوش نبی و مرتضی
اہل نظر سے پوچھیئے جلوہ ہے ایک بام دو

روئے علی پہ اک نگاہ جاں نگاہ دیں پناہ
اہل نظر نے لے لیے ایک نظر سے کام دو

سرخئ عارض چمن شوخی غازہ شفق
خوب لیے حسین نے خون جگر سے کام دو

جون ایلیاء