Urdu Poetry Gazal Saholat Ho Azeeyat Ho By Nadeem Bhabha

سہولت ہو اذیت ہو تمہارے ساتھ رہنا ہے
کہ اب کوئی بھی صورت ہو تمہارے ساتھ رہنا ہے

ہمارے رابطے ہی اس قدر ہیں، تم ہو اور بس تم
تمہیں سب سے محبت ہو تمہارے ساتھ رہنا ہے

اور اب گھر بار جب ہم چھوڑ کر آ ہی چکے ہیں تو
تمہیں جتنی بھی نفرت ہو تمہارے ساتھ رہنا ہے

ہمارے پاؤں میں کیلیں اور آنکھوں سے لہو ٹپکے
ہماری جو بھی حالت ہو تمہارے ساتھ رہنا ہے

تمہیں ہر صبح اور ہر شام ہے بس دیکھتے رہنا
تم اتنے خوب صورت ہو تمہارے ساتھ رہنا ہے

ندیم بھابھہ