Dil Wahin Rehgaya Jaan Wahi Rehgai | hum madinay se allah kyun aa gaye | Best Naat

um madinay se allah kyun aa gaye lyrics
naat hum madinay se allah kyun aa gaye

Lyrics **
Hum Madinay Se Allah Kyun Agaye
Qalb-e-Hairan Ki Taskeen Wahin Reh Gai
Dil Wahin Rehgaya Jaan Wahi Rehgai
Qam Usi Dar Pe Apni Jabin Rehgai

Yaad Atay Hain Humko Woh Sham-o-Sahar
Woh Sukoon-o-Dil-o-Jaan Woh Rooh-o-Nazar
Yeh Unhi Ka Karam Hai Unhi Ki Ata
Aik Kaifiyat-e-Dil Nasheen Rehgai

Allah Allah Wahan Ka Durood-o-Salam
Allah Allah Wahan Ka Sujood-o-Qayam
Allah Allah Wahan Ka woh kaif-e-Dawam
Woh Salat-e-Sukoon Afreen Rehgai

Jis Jaga Sajda Rezi Ki Lazzat Mili
Jis Jaga Har Qadam Unki Rehmat Mili
Jis Jaga Noor Rehta Hai Sham-o-Sahar
Woh Falak Rehgaya Woh Zameen Rehgaee

Padhke "Nasrum minal Lahi Fat-hun Qareeb"
Jab Huway Hum Rawan Suey Kooey Habeeb
Barkatein Rehmatain Sath Chalnay Lagin
Bebasi Zindagi Ki Yahin Rehgai

Zindagani Wahin kash hoti basar
Kash Behzad atay na Hum Lot kar
Aur poori Hui har tamanna magar
Yeh Tamanna-e-Qalb-e-Hazeen Rehgai

Beautiful Naat Shareef written by Late Behzad Lakhnavi