DMW Sec. Susan Ople, pumanaw na; PBBM, kinilala ang dedikasyon sa trabaho ng kalihim

DMW Sec. Susan Ople, pumanaw na; PBBM, kinilala ang dedikasyon sa trabaho ng kalihim

Sumakabilang-buhay na si Migrant Workers Secretary Susan "Toots" Ople ngayong Martes, Agosto a-bente dos.

Ito ang kinumpirma ng Department of Migrant Workers.

Ayon sa DMW, bandang ala-una ng hapon ngayong Martes nang pumanaw ang kalihim.

Wala namang inilabas na detalye sa dahilan ng pagkasawi ni Ople.

Humingi rin ng dasal ang DMW para sa mga naiwang mahal sa buhay ng kalihim.

Magugunita na nagsilbi rin si Ople bilang Undersecretary ng Department of Labor and Employment noong 2004 hanggang 2009.

Si Ople naman ang kauna-unahang kalihim ng bagong tatag na DMW.

Kaugnay nito, nagpaabot naman ng mensahe si Pangulong Bongbong Marcos sa pagpanaw ng kalihim.

#smninewsblast #newsblast #smni #smninews