Васка Илиева - Славен Пирин недогледен | Vaska Ilieva - Slaven Pirin nedogleden | Македонски Песни | Macedonian Songs

Славен Пирин недогледен,
с' врвој небо допира,
там' се роди цар Пирински,
славен Јане Сандански.
Страв и трепет за душмани,
в борба народ поведе,
река од крв се пролеа,
в' таа Пирин планина,
душман нигде не се сврте,
в' таа Пирин планина.

Може браќа да загинам
в' борба с' тиран проклетен,
гробот да ми направите
на врв Пирин планина,
аа да можам да ги гледам
Вардар, Пирин и Егеј,
да си видам сонце над нив,
мирно да си почивам,
за да можам да ја гледам
цела Македонија.

Гората ми за час молкна,
Пирин в' тага ми се сви,
славеј песна од страв запре,
в' борба, Јане, загина.
Гробот му го направија
на врв Пирин планина
за да може да ја гледа
цела Македонија,
за да може да ја гледа
наша Македонија.