Sahr sba da cheeny ghara !! Pashto best GhazaL !! Haroon Bacha !! Nurul Habib Nisar

غزل : نورالحبيب نثار
غږ : هارون باچا
سحر سبا ، د چينې غاړه او روانې اوبه
جانانه ما له خدايه غواړه او روانې اوبه

د چا د مست غزل په شانې زړه ته لاره کوی
ستا د ګړي په شانې غاړه او روانې اوبه

د خپل تصویر په تماشه، تصویر اوبو وړی دی
جينۍ ده ځای په ځای ولاړه او روانې اوبه

چې په غزل کې دې راځي مناسبت به لري
د ترهېدلې ښکلا ژباړه او روانې اوبه

د چا لېمې له اوښکو ډکې، د چا شونډې وچې
خدایه يوځای کړې دغه شاړه او روانې اوبه

څه عجیبه شانې يو خوب دی همېشه يې وينم
نثاره ! ته او هغه دواړه او روانې اوبه