It is rejected by arguments

ھم کریں بات دلیلوں سے تو رد ھوتی ھے
اس کے ھونٹوں کی خاموشی بھی سند ھوتی ھے
سانس لیتے ھوے انساں بھی ھیں لاشوں کی طرح
اب دھڑکتے ھوے دل کی بھی لحد ھوتی ھے
جس کی گردن میں ھے پھندا وھی انسان بڑا
سولیوں سے یہاں پیماٸشِ قد ھوتی ھے
شعبدہ گر بھی پہنتے ھیں خطیبوں کا لباس
بولتا جہل ھے بدنام خِرَد ھوتی ھے
کچھ نہ کہنے سے بھی چھن جاتا ھے اعجازِ سخن
ظلم سہنے سے بھی ظالم کی مدد ھوتی ھے
شاعر : مظفر وارثی
سنگر : صنا نعمت