Ilocos Norte, nagdeklara ng state of calamity dahil sa pinsalang idinulot ng bagyong Egay

Nagdeklara na ng state of calamity ang pamahalaang panlalawigan ng Ilocos Norte ngayong Miyerkules.

Bunsod ito ng pinsalang idinulot ng bagyong Egay na patuloy pa ring nananalasa sa hilagang bahagi ng bansa.

Ayon sa provincial government, karamihan sa mga munisipalidad ng Ilocos Norte ang apektado.

Kabilang dito ang Burgos, Bangui, Dumalneg, Pagudpud, Vintar, Adams, Pasuquin, at Bacarra.

Ang pagdedeklara naman ng probinsya ng state of calamity ay upang magamit ang kanilang pondo para tulungan ang mga residente ng probinsya na apektado ng bagyo.

Sa ngayon, nananatili nakataas sa Ilocos Norte ang signal no. 4 at 3.

#smninewsblast #newsblast #smni #smninews