Tresurera sang Barangay nga gin luthang patay!

Tresurera sang Barangay nga gin luthang patay, mga kapulisan sa Leon wala pa sang may gina sundan nga motibo!Show more

Blangko pa sa karon ang kapulisan sang Leon sa motibo sa pagpatay sa anay kapitan sang Barangay kag karon isa na ka tresurera, ini matapos ang gin luthang sa waiting shed, alas-6:30 sang aga, Miyerkules, Hunyo 14, 2023 sa Barangay Bacolod, Leon, Iloilo.

Ang biktima ang ginkilala kay Teresa Amualla, 59 anyos sang Barangay Caboloan, Leon kag ini ang isa ka tresurera sa ila barangay.

Suno sa interview sang Radyo Bistado kay Police Captain Rodel Pasion ang hepe sang Leon Municipal Police Station iya gin pahayag, alas-5:30 sang aga nag halin sa ila balay si Amualla kag nag padul-ong sa iya umagad sakay sa motorsiklo sa waiting shed nga sakop sang Barangay Bacolod, ini ang naga bantay sang salakyan kag mapa dulong tani sa banwa agud mag pasa sang mga dokumento sang mga senior citezen,

Pag pagpatak alas-6:30 sang aga, hinali lang may nag pundo nga motorsiklo, isa ka driver kag angkas lunsay mga lalaki kag ang angkas nga suspek amo ang nanaog kag nag palupok sang armas luthang kag nakaangkon sang isa ka pilas sa nawala nga ulo si Amualla rason sang iya kamatayon.

Matapos ang krimen gilayon nga nalagyo ang mga suspek sa direksyon sang Barangay Mali-ao amo man nga banwa, na recover man sang kapulisan sa crime scene ang duha ka basyo sang bala sang kalibre 45.

Suno sa imbestigasyon ni Pasion, antis paman na tabo ang insidente gina angkas sadto ang biktima sang iya umagad agud mag padulong sa waiting shed, may natalupangdan na ini nga motorsiklo nga may angkas kag ang mga ini lunsay may tabon ang hitsura nga naga sunod sa ila, apang wala ini gin sapak sang umagad sang biktima kag nag padayon lang sang pagmaneho sang motorsiklo kag lipod sa iya ihibalo nga amo na to ang mga suspek nga ma luthang sa iya ugangan.

Basi sa mga impormasyon nga nakuha nanday Pasion, anay nga kapitan sa ila barangay si Amualla bangud tapos na ang iya termino, si Amualla liwat nga nag papili sa eleksyon bilang kagawad, ini ang nag daog apang hinali lang ini nag resign kag gilayon man gin appoint sang ila kapitan bilang sa posisyon niya karon nga tresurera.

Ma bout nga klase sang tawo si Amualla bisan sang ini pa ang kapitan kag wala man sang may nahibaloan nga kontra sang yara pa ini sa puder kag wala man sang may kaakig nga opisyal sa Barangay kay Amualla.

Nag tuhaw man sa imbestigasyon nanday Pasion nga gina alegar sorwana kuno si Amualla kag ini ang gina tumod nga rason sang nga pagkapatay sang isa ka persona sadtong tuig 2014 kag isa man ka persona sadtong 2019, apang ini ang indi klaro para kay Pasion kon paano ang mga ini ang nag kitaay kag nag pamalibad man ang mga himata ni Amualla nga ini ang isa ka sorwana kag indi gani ini makahibalo mag pangluy-a.

Indi man matumod ni Pasion kon kahimoan ini sang armado nga grupo bangud wala diri sang naga kaigo nga imbedensya, malayo man nga angulo kon basihan sa pinolitika kag buron man katama kon ila basihan sa gina alegar pagka-sorwano ni Amualla kag wala diri sang ni isa nga gina sundan mga motibo sa pagpatay kay Amualla.

Sa karon, padayon pa ang imbestigasyon sang Leon Municipal Police Station lakip na ang pakigangut sa mga witness sa lugar agud mag hatag sang kasanag sa madulom motibo sa pagpatay kay Amualla.