Imperium pro Orthodoxia Patrum et Doctorum Ecclesiae per Acta Concilii Constantinopolitani II

Imperium pro Orthodoxia Patrum et Doctorum Ecclesiae per Acta Concilii Constantinopolitani II
http://zazzle.com/ProVaticanus

In nomine domini dei nostri Iesu Christi Imperator Caesar Flavius Iustinianus, Alemanicus, Gothicus, Francicus, Germanicus, Anticus, Alanicus, Vandalicus, Africanas, Pius, Felix, Inclytus, Victor, ac Triumphator, semper Augustus, beatissimis episcopis et patriarchis Eutychio Constantinopolitano, Apollinario Alexandrino, Domnino Theopolitano, Stephano, Georgio et Damiano religiosissimis episcopis vicem agentibus Eustochii viri beatissimi archiepiscopi Hierosolymitani et patriarchae, et reliquis religiosissimis episcopis ex diversis provinciis in hac regia urbe degentibus. Semper studium fuit orthodoxis et piis imperatoribus patribus nostris, pro tempore exortas haereses per congregationem religiosissimorum episcoporum amputare, et recta fide sincere praedicata, in pace sanctam dei ecclesiam custodire…

Quidquid autem non consonat istis vel a quacumque persona scriptum inveniatur contra ea quae de una eademque fide a sanctis quatuor conciliis vel uno ex his definita sunt, hoc tamquam alienum omnino pietatis execramur: sequimur autem in omnibus sanctos patres et doctores sanctae dei ecclesiae, id est, Athanasium, Hilarium, Basilium, Gregorium theologum, et Gregorium Nissenum, Ambrosium, Theophilum, Ioannem Constantinopolitanum, Cyrillum, Augustinum, Proculum, Leonem, et omnia quae ab his de fide recta et ad condemnationem haereticorum conscripta et exposita sunt suscipimus. In praedictis igitur omnibus permanentes, illos patres et sacerdotes suscipimus, qui ea quae a sanctis quatuor conciliis de fide exposita sunt, et a praedictis sanctis patribus praedicata sunt, servant, et praedicant in sancta dei ecclesia.

Datum IV. Nonas Maias, Constantinopoli, imperii domini Iustiniani perpetui Augusti anno XXVII. post consulatum Basilii viri clarissimi anno XII. /4.May.553/
-Iustinianus Magnus.

Cf. I.D. Mansi, Sacrorum Conciliorum Collectio (Florentiae: Expensis H. Welter, 1759), 1758f, Tom. IX (536-590) Col.178-184.

Ago tibi gratias Deo per instrumenta de HardStyleMusic pro bono rei publicae, cf. https://www.youtube.com/watch?v=FBCK_NI42PE

#Justinian #EcumenicalCouncil #Augustine

http://patreon.com/ProVaticanus