娛樂新聞台 | 2022香港小姐競選｜大會公佈「最上鏡小姐」五位評判

【 娛樂新聞台 】《 2022香港小姐競選 》大會公佈「最上鏡小姐」五位評判
《 2022香港小姐競選 》決賽將於9月25號星期日晚於紅館舉行，呢日大會公佈「最上鏡小姐」嘅五位評判，包括琦琦﹑陳法蓉﹑甘國亮、楊傳亮太平紳士、以及當日因工作未能現身嘅周勵淇（Niki）。四位評判同十九位候選佳麗會面，並即場分享評選準則。另外有個別人士對港姐嘅泳裝問答環節作惡意不實指控，TVB已發出聲明強烈譴責，大會統籌經理何小慧呢日就事件作出回應，稱未受事件影響。