旺角大閘蟹任食｜即叫即蒸大閘蟹 最平$338任食 仲有蟹粉料理、泰式料理、甜品任食

【#好檸熱】旺角大閘蟹任食｜即叫即蒸大閘蟹 最平$338任食 仲有蟹粉料理、泰式料理、甜品任食

又到咗食大閘蟹的季節，平時閒閒食一隻大閘蟹都成嚿水，唔想肉痛就梗係揀任食大閘蟹啦。旺角有泰國餐廳做快閃大閘蟹放題，最平只要$338就可以任食三両大閘蟹，即叫即蒸，雖然件頭的確夠細，但隻隻爆膏，而且剝開不會有黑肺，質素相當好。

嫌就咁食蟹有啲Dry，同場仲有蟹粉料理任食，好似蟹粉窩巴、蟹粉豆腐、蟹粉窩湯金邊粉，啱晒啲唔想拆蟹的懶人。指定泰式料理、飲品、甜品也是任飲任食，款式選擇眾多。